Turukiya: 60 nibo baguye mu mirwano y’abashakaga gufata ubutegetsi[MU MAFOTO]

Ahagana ku masaha ya saayine z’ijoro kuri uyu wa gatanu tariki 15. Nyakanga humvikanye urusaku rw’amasasu hagati y’ingabo z’igihugu cya Turukiya n’abasirikare bashakaga guhirika ubutegetsi.

Mu gihe kirenga amasaha atanu, rwari urugamba rutoroshye na gato kuko abashakaga guhirika ubutegetsi bari bafite ibitwaro bikomeye birimo burende ndetse n’indege z’intambara.

Perezida wa Turukiya Recep Tayyip Erdogan yavuze ko abashatse kumuhirika ku butegetsi babikoze nk’igikorwa cyo kugambanira igihugu gusa akomeza kuvuga ko guverinoma ye igiye kugira icyo ibikoraho.

Perezida Recep Tayyip Erdogan yavuze ko abasirikare bose bari inyuma y’umugambi mubisha wo guhirika ubutegetsi bagomba kubiryozwa, akaba ashinja mucyeba we Fethullah Gulen utavuga rumwe n’ubutegetsi akaba ari mu buhungiro muri leta ya Pennsylvania, kuba ari we wacuze uyu mugambi.

Kugeza kuri ubu basirikare babarirwa muri 750 nibo bamaze gutabwa muri yombi bazira gushaka guhirika ubutegetsi muri Turukiya, abantu basaga 60 bahitanwe n’amasasu,abandi benshi barakomereka, naho abasirikare bagera ku 100 nibo bamaze kumanika amaboko nyuma yuko umugambi wabo ubapfubanye.

Naho abasirikare 100 nibo bamaze kumanika amaboko nyuma yuko ihirikwa ry’ubutegetsi ribapfubanye, abarenga 120 nabo batawe muri yombi bazira kugira uruhare mu icurwa ry’uwo mugambi mubisha.

Mugihe iki gikorwa cyabaga abashakaga guhirika ubutegetsi ntibareberaga izuba n’abaturage bigenderaga mu mihanda mu gicuku. Abagera kuri 60 barashwe barapfa, abandi bagera ku 1,000 barakomereka.

JPEG

Yisangize Inshuti.

Ibitekerezo

Tanga Igitekerezo