Tuniziya:Minisitiri yirukanywe azira kuvuga ko Arabie Saoudite ihembera iterabwoba

Minisitiri Abdeljalil Ben Salem wirukanywe

Minisitiri w’amadini mu gihugu cya Tuniziya yirukanywe azira amagambo yiswe ko agamije kuzambya umubano w’icyo gihugu na Arabie Saoudite, aho yavugaga ko icyo gihugu gihembera iterabwoba.

Minisitiri w’Intebe Youssef Chahed yirukanye Minisitiri Abdeljalil Ben Salem kuri uyu wa Gatanu amushinja kuvuga amagambo adahesha isura nziza Tuniziya ndetse ashobora kubangamira umubano icyo gihugu gifitanye na Arabie Saoudite.

Yavuze ko Salem yarenze ku mahame agenga imibanire y’ibihugu.

Kuri uyu wa Kane, Salem ari mu Nteko Ishinga Amategeko yemeye ko yabajije bamwe mu bayobozi bo muri Arabie Saoudite barimo na Ambasaderi wayo muri Tuniziya, ngo amusobanurire uburyo bw’imyigishirize ya kisilamu buzwi nka Wahhabism niba ntaho buhuriye n’iterabwoba.

Yagize ati “Nabwiye abanya-Arabie Saoudite nti muhindure amashuri yanyu kuko iterabwoba niho rituruka.Mbibabwiranye urukundo.”

Ubu buryo bw’imyigishirize bwa Wahhabism bwakunze kuvugwaho gutuma ababwizemo abab inbyihebe nkuko Ikinyamakuru ModernGhana dukesha iyi nkuru cyabitangaje.

Icyakora Salem kuri uyu wa Gatanu yasohoye itangazo avuga ko nta kibazo kiri mu mubano wa Arabie Saoudite na Tuniziya.

Yisangize Inshuti.

Ibitekerezo

Tanga Igitekerezo