Trump yavuze ko nadafashwa guhashya Koreya ya Ruguru azirwariza

1

Trump (iburyo) azahura na Xi Ping (ibumoso) kuri uyu wa Kane

Perezida wa Leta Zunze Ubumwe za Amerika Donald Trump yavuze ko igihugu cy’Ubushinwa nikitamufasha kurwanya icura ry’ibitwaro kirimbuzi muri Koreya ya Ruguru, ngo azabyifasha wenyine.

Yabitangarije ikinyamakuru Financial Times cyo mu Bwongereza, mu gihe yitegura kwakira Perezida Xi Ping w’u Bushinwa kuri uyu wa Kane.

Ubushinwa ni inshuti ikomeye ya Koreya ya Ruguru, bukanaba inshuti ya Leta Zunze Ubumwe za Amerika.

Koreya ya Ruguru yo ntiyumvikana na Amerika ahanini biturutse ku birego ishinjwa byo kuba icura ibitwaro kirimbuzi kandi bitemewe n’amategeko ya Loni.

Mu kwezi gushize ubuyobozi bwa Koreya ya Ruguru yavuze ko Amerika iramutse ibavangiye mu mikorere bazayirasaho igisasu kikayirimbura.

Perezida Trump yabwiye Financial Times ko bagiye kuganira n’Ubushinwa ikumvisha Koreya ya Ruguru kudakomeza gucura ibisasu kirimbuzi, byakwanga Amerika ikikemurira icyo kibazo yonyine.

Yagize ati "Niba Ubushinwa ntacyo bukoze kuri Koreya ya Ruguru, twe tuzagira icyo dukora.Ni ibyo mbabwiye.Ubushinwa bufite ijambo kuri Koreya ya Ruguru, Ubushinwa rero buzahitamo kudufasha cyangwa bubireke. Nibubikora bizaba ari byiza, nibutabikora nta n’umwe bizabera byiza."

Mu kwezi gushize Umunyamabanga wa Leta muri Amerika, Rex Tillerson yavuze ko kwihanganira Koreya ya Ruguru byarangiye.

Yavuze ko ubu haba ingufu za gisirikari cyangwa iza dipolomasi byose bizakoreshwa igihe bibaye ngombwa.

Koreya ya Ruguru imaze igihe iri mu bihano bya Loni kubera kugenda igerageza ibisasu kirimbuzi kandi bitemewe mu mahame ya Loni.

Umubano wa Amerika na Koreya ya Ruguru wazambye guhera mu myaka ya 1950 mu ntambara hagati ya Koreya zombi, aho Amerika na Loni byari bishyigikiye Koreya y’Epfo naho Ubushinwa bugashyigikira Koreya ya Ruguru.

Yisangize Inshuti.

Ibitekerezo 1

Tanga Igitekerezo