Trump yatumiye Perezida Duterte i Washington

Perezida wa Leta Zunze Ubumwe za Amerika Donald Trump yatumiye Perezida Rodrigo Duterte wa Philippines gusura icyo gihugu bakaganira ku bibazo bitandukanye.

Trump yatumiye mugenzi we wa Philippines kuri uyu wa gatandatu mu kiganiro bagiranye kuri telefone.

Itangazo rya Perezidansi ya Amerika rivuga ko Trump na we ateganya gusura Philippines mu Ugushyingo uyu mwaka.

Duterte azwiho kutihanganira abacuruza ibiyobyebwenge aho abagera ku 7 000 bamaze kwica abandi bakaba bari muri gereza.

Yamenyekanye kandi umwaka ushize ubwo yatukaga Barrack Obama kuri nyina kuko yanenze uburyo akoresha arwanya ibiyobyabwenge.

Itangazo rivuga ko abo bayobozi banaganiriye ku mubano w’ibihugu byombi n’uburyo bawuzahura ndetse bakanaganira ku myitwarire ya Koreya ya Ruguru muri iki gihe.

The Guardian dukesha iyi nkuru, ivuga ko igihe Duterte azasurira Amerika kitatangajwe.

Yisangize Inshuti.

Ibitekerezo

Tanga Igitekerezo