Trump yatumiye Mukuru wa Obama mu kiganiro mpaka kimuhuza na Clinton

Donald Trump umuherwe w’umunyamerika uhagarariye ishyaka ry’aba-Republicain mu matora y’Umukuru w’igihugu yatumiye umuvandimwe wa Barack Obama witwa Malik Obama ngo akurikirane ikiganiro mpaka cya nyuma kiza kumuhuza n’uwo bahanganye mu matora, Hillary Clinton.

Malik Obama, wavukiye muri Kenya, ni umwe mu bantu batumiwe gukurikirana icyo kiganiro mpaka aho Trump aza guhangana n’umukandida w’abademokarate Hillary Clinton kuri uyu wa 19 Ukwakira 2016.

Uyu mugabo arusha Barack Obama imyaka itatu, bombi bakaba bavuka ku mubyeyi umwe (Se), ba nyina akaba ari bo batandukanye

Malik akaba yarangije kubwira ikinyamakuru New York Post ko ashimishijwe cyane no kuza kwitabira icyo kiganiro.

Yagize ati “Trump ashobora gusubiza Amerika ku kuba igihugu cy’igihangange”.

Trumpa akunze gushima uyu Malik Obama ko agira ibitekerezo kurusha umuvandimwe we Barack Obama ashinja koreka Amerika mu rwobo ku butegetsi bwe.

Hillary Clinton na we mu biganiro mpaka yakunze gutumira abatavuga rumwe na Trump, harimo umuherwe Mark Cuban ndetse n’umuyobozi mukuru w’ikompanyi ya Hewlett Packard Enterprise, Meg Whitman.

Malik Obama akaba nyuma y’igihe kinini ari umu-Democrat ubu yinjiye mu ishyaka ry’aba-Republican ndetse akaba yarahise avuga ko ijwi rye azariha Donald Trump.

Uyu mukuru wa Perezida Obama yakunze kuvuga ko atazashyigikira Umukandida wo mu ishyaka ry’umuvandimwe we rihagarariwe ma Hillary Clinton ahubwo ko ari inyuma ya Donald Trump w’Aba-Republican.

Yisangize Inshuti.

Ibitekerezo

Tanga Igitekerezo