Trump yahagaritse inkunga Amerika yateraga imiryango ishyigikira gukuramo inda

8

Perezida wa Leta zunze ubumwe za Amerika Donald Trump yavuze ko ari Perezida w’abanya-Amerika bose bityo ko n’abataravuka na bo abahagarariye bituma akuraho inkunga igihugu ayoboye cyateraga imiryango mpuzamahanga ishyigikira ikanafasha abagore gukuramo inda.

Iki cyemezo Perezida Donald Trump yasinye ngo cyagiye kitavugwaho rumwe hagati y’aba Repubulikani n’aba Demukarate, aho akenshi ubuyobozi bw’aba Repubulikani butigeze bushyigikira gutera inkunga ibijyanye no gukuramo inda.

Kuri Trump na we yunze mu ry’aba- Repubulikani na we avuga ko igihugu ayoboye kitazigera cyongera gutera inkunga imiryango ifasha abagore gukuramo inda.

Iki cyemezo Trump yasinye kandi kibuza imiryango yo mu mahanga iterwa inkunga na Leta zunze ubumwe za Amerika kutazigera yongera gutanga serivise zo gukuramo inda cyangwa ubujyanama bujyanye na byo.

Ni icyemezo cyanenzwe n’imiryango iharanira uburenganzira bw’abagore ivuga ko abagore badafite ubushobozi bambuwe uburenganzira bwo gufashwa gukuramo inda mu gihe babona batazashobora kurera abo batwite, ibintu kandi bavuga ko bibangamiye gahunda yo kuboneza urubyaro.

Iyi miryango ivuga ko iki cyemezo kizatuma ubuzima bw’abagore benshi bujya mu kaga mu gihe baba bagize ibibazo batwite kuko ngo kizatuma ibitaro byinshi byatangaga serivise zo gukuramo inda byaterwaga inkunga na Leta zunze ubumwe za Amerika bifunga burundu.

Stenny Hoyer, umudepite w’umudemukarate mu nteko ishingamategeko na we yanenze iki cyemezo agira ati: " Birababaje kubona Trump mu cyumeru cye cya mbere ku butegetsi ahise afata icyemezo kibangamiye abagore"

Umuvugizi w’ibiro bya Perezida wa Leta zunze ubumwe za Amerika Sean Spicer yavuze ko iki cyemezo kigamije kwerekana ko Trump ari Perezida w’abaturage bose harimo n’abakiri mu nda z’ababyeyi babo.

Yagize ati: "Ntabwo ari ibanga, Perezida yashimangiye ko ari Perezida w’abataravuka arashaka guhagararira abanyamerika bose harimo n’abataravuka"

Iki cyemezo kije nyuma yuko mu mpera z’icyumweru gishize abagore basaga Miliyoni bagaragaye mu mihanda bigaragambya bamagana ibyemezo Trump yavuze ko azafata harimo n’iki yamaze gushyiraho umukono.


Abagore b’abanya-Amerika bo bavuga ko gukuramo inda ari uburenganzira bwabo.

Yisangize Inshuti.

Ibitekerezo 8

  1. Uyu, mugabo numugore udatinya assise aranga nakoreraga imana iri muruhanderwe natashye abarubanda rwose imana I fasse Trump

  2. TRUMP. NDAMWEMEYE RWOSE. KUKO AHAGARITSE KWICA IMPINJA AGABBANYIJE NUBUSAMBANYI KUKO BAMWE BAZATINYA KONGERA GUTWITA. GUSAMBANA. KWICA UDUHINJA CG ABAKUZE IMANA IBYANGA URUNUKA !!!

  3. Kwabaziko ntabushobozi kuki yemerako bamutera inda ibyo nugushyigikira abagore Mu mafuti njyembona ntaburenganzira abambuye ahubwo bamenye icyogukora bareke kuguma kwica abaziranenge bazira ubusa uyumugabo najye NDA mushyigikiye kdi ndumugore mugenzi wabo

  4. Yewe Trump we, nubwo nawe uri muri illuminati ariko ibyemezo byawe biarashimishije n ukuri, utandukanye n uriya musilamu wasimbuye. Yego n ubundi imikorere y umwanzi ntabwo yiyerekana ako kanya kuko yihisha inyuma y ibyiza ariko hagamijwe ibindi, ariko Trump uratangaje...Komeza uhindure aharaho abakristo bagira agahenge, ariko ntibirare kuk batungurwa no kutamenya ibihe!!
    Iri tegeko ryo gukuramo inda ntabwo ari uburenganzira bw abagore ahubwo ni UBWICANYI nk ubundi bwose.....

    Ibibi birarutanwa. Bakristo tube maso. Reka nzarebe ukuntu azabyifatamo bigeze kuri ka kandi batera mu muntu ko mu Byahishuwe 13 !

Tanga Igitekerezo