Kwamamaza

MU MAHANGA

Trump na Kim mu ruzinduko rw’amateka muri Singapore Kim ati, “Twirengagize ko twatukanye twubake ahazaza”

Yanditswe

kuya

na

Bikorimana Alexis
Trump na Kim  mu ruzinduko rw’amateka muri Singapore Kim ati, “Twirengagize ko twatukanye twubake ahazaza”

Perezida wa Leta Zunze Ubumwe za Amerika, Donald Trump n’uwa Korea ya ruguru, Kim Jong Un bahuriye mu gihugu cya Singapore mu ruzinduko rw’amateka rwitezweho guhindura byinshi kuri iyi si.

Kuri uyu wa kabiri nibwo Perezida Trump na Kim jong Un bahuriye muri Singapore mu ruzinduko rwari rutegerejwe n’abatari bake bakaba baganiriye ku kugarura amahoro ku Isi no kuzahura umubano mwiza hagati y’ibihugu byombi.

Trump ati, “Uru ruzinduko ntirusanzwe, ni urw’ingirakamaro kuruta uko undi yabyumva” . Kim n’akanyamuneza yungamo ati, “Ku byo twaganiriye ni byiza cyane, dusige inyuma amateka mabi twubake umubano mwiza hagati y’ibihugu byombi”

Perezida Kim yabwiye Trump ko hari abatari bwiyumvishe ko uru ruzinduko rwabayeho by’ukuri ati, “Abenshi baratekereza ko uru ruzinduko ari ibintu biraho, cyangwa twakinaga filimi ariko si ko biri ugereranije n’ibyaganiriweho.”

Trump araza kugirana ikiganiro n’abanyamakuru saa 4:00pm z’umugoroba ku isaha mpuzamahanga mu gihe ubu bagiye muri hotel ya Capello ahabereye ibiganiro.

US, Japan, China na South Korea bifite ibyiringiro ku nyuma y’ibiganiro Perezida wa Korea ya Ruguru Kim Jong Un azaha agaciro ibyavuyemo agahagarika burundu icurwa n’igerageza ry’ibitwaro bya kirimbuzi.

Igitangaje muri iyi nama yamaze iminota 40 gusa, ni uko Trump yavuze ko bari buze gushyira umukono ku masezerano ariko ntiyasobanura neza byinshi biri bube bikubiyemo.

Trump yaje muri Singapore aherekejwe n’Umunyamabanga wa Leta, mike Pompei, Umujyanama mu by’umutekano John Bolton, ndetse na John Kelly mu gihe Kim yari aherekejwe na Kim Yong Chol wanahuye na Trump mbere y’uru ruzinduko muri Amerika.

Uru ruzinduko ruje nyuma y’amezi 17 gusa Trump amaze ari Perezida wa Amerika mu gihe hari hashize imyaka myinshi ibihugu byombi bidacana uwaka, ndetse aba bombi umwaka ushize barashyamiranye cyane batukana ku karubanda Trump ati “Kim ni Umusazi” , Kim mu kumusubiza ati, “Uri imbwa imoka ariko itaryana” .

Gusa biyemeje kwirengagiza aya mateka mabi arimo no gutukakana baciyemo ahubwo bakaraba ahazaza heza.

Iyi nama y’aba baperezida bombi yitezweho kuza guhindura umubano mubi wagiye uranga Korea y’Epfo, Korea ya Ruguru ndetse na Leta Zunze Ubumwe za Ameriko kuko byatandukanywaga ahanini n’ibitwaro bya kirimbuzi byakorerwaga bikanageragerezwa muri Korea ya ruguru ariko nyuma y’iyi nama hakaba hari icyizere ko iki gihugu kizabihagarika burundu.


Donald Trump bahuriye mu ruzinduko rw’amateka

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza