Trump n’ubushinwa bahurije hamwe umugambi wo kurwanya Korea ya Ruguru

Perezida wa Amerika Donald Trumo yashimiye cyane mugenzi we w’Ubushinwa Xi Jinping ibintu bitandukanye no kutavuga rumwe kwakunze kuranga ibi bihugu ku kibazo cya Korea ya Ruguru.

Trump yasabye yivuye inyuma mugenzi we Xi gukora cyane kugirango ahungabanye umugambi wa Korea ya Ruguru wo gukora ibitwaro bya kirimbuzi.

Ibi byose byabaye mu rugendo Trump arimo mu gihugu cy’Ubushinwa. Aba bategetsi bombi batangaje ko basinye amasezerano ya miliyoni 250 z’amadorali yo gufatanya mu bucuruzi hagati y’ibihugu byombi.
Gusa ntihatangajwe niba aya yose ari amasezerano mashyashya cyangwa harimo ayacyera yasubiwemo.

Aba bagabo bombi batinze cyane ku kibazo cya Koreya ya Ruguru kuko igihugu cy’Ubushinwa aricyo gihugu cya mbere cyinjiza amafaranga menshi mu bucuruzi bwa Koreya ya Ruguru.

Perezida Trump yerekanye ko Ubushinwa bushobora gufata ingamba zikomeye ku kibazo cya Korea ya Ruguru cy’ibitwaro bya kirimbuzi.

Yagize ati :” mpamagariye nyakubahwa Xi gukorana ishyaka ni ikintu nzi ku mukuru w’igihugu cyanyu akorana ishyaka bizakunda.”

Yaboneyeho gushimira nyakubahwa Xi ku bihe bitandukanye amaze aburagiza ubucuruzi bwa leta ya Pyongyang.

Ku ruhande rwiwe, Perezida w’Ubushinwa Xi, yavuze ko impande zombi zizakomeza gukorana mu kubahiriza ibihano bya Onu yafatiye Koreya ya Ruguru.

Yisangize Inshuti.

Ibitekerezo

Tanga Igitekerezo