Thailandi Minisitiri w’intebe yakatiwe imyaka 5 azira umuceri

Uwahoze ari Minisitiri w’intebe wa Thailandi Yingluck Shinawatra yahamwe n’icyaha cyo kutita ku kazi agahombya igihugu akatirwa gufungwa imyaka itanu atari mu cyumba cy’iburanisha.

Urukiko rukuru rwamuhamije icyaha cyo kutitwara neza mu kibazo cy’umuceri byatumye Thailande ihomba agera kuri miliyari umunani.

Uyu mugore yakuwe ku butegetsi mu mwaka wa 2014 mu byumweru bicyeya mbere y’uko abasirikare bafata ubutegetsi ku ngufu nyuma ahita ahagarikwa mu mirimo ye burundu. Yingluck Shinawatra yahakanye ibyo ashinjwa akaba ndetse yarahise ahunga bivugwa ko ubu ari Dubai.

Gusa abaturage b’iki gihugu ntibavuga rumwe kuri uru rubanza kuko abenegihugu benshi bakimukunze .

BBC yanditse ko abacamanza b’uru rukiko rukuru bavuga ko uyu mugore Shinawatra yarazi neza amanyanga ari mu igurwa ry’uyu muceri ariko ntagire icyo abikoraho ngo ayahagarike.

Mu gihe cy’urubanza uyu mugore yavuze ko atariwe wakurikiranaga umunsi ku wundi ibibazo by’uwo muceri ahubwo avuga ko ari kuzira impamvu za politike.

Yisangize Inshuti.

Ibitekerezo

Tanga Igitekerezo