Tanzania igiye gufunga kaminuza nyinshi

Kaminuza ya Saint Joseph yafunzwe kubera kutuzuza ibisabwa

Guverinoma ya Tanzania yatangaje ko igiye gufunga kaminuza n’amashuri makuru atandukanye kubera kutuzuza bimwe mu byangombwa bikwiye ngo ikigo kitwe kaminuza cyangwa ishuri rikuru.

Byatangajwe kuri uyu wa Mbere nyuma ya raporo iri gukorwa izagaragaza amashuri makuru na kaminuza byujuje ibisabwa.

Minisitiri w’uburezi, ubumenyi, ikoranabuhanga n’imyuga Prof Ndalichako Joyce yatangarije The Citizen ko mu kwezi gushize bakoze isuzuma, vuba aha bakazasohora raporo igaragaza ibigo byemewe n’ibitemewe.

Yavuze ko hari ibigo bamaze kubona bitujuje ibisabwa, kubw’ibyo ikizakurikiraho raporor nimara gusohoka akaba ari ukubifunga.

Ndalichako yavuze ko Kaminuza n’amashuri makuru bizafungwa, abigagamo bazimurirwa mu zindi zujuje ibyangombwa.

Iri funga ry’ibigo rikurikiye irya Kaminuza ya Saint Joseph yafunzwe muri Gashyantare uyu mwaka kubera kutuzuza ibisabwa Kaminuza.

Ndalichako yavuze ko hari izindi kaminuza nyinshi zimeze nka Saint Joseph ndetse anongeraho ko abanyeshuri bigaga muri Saint Joseph abenshi basanze nta bushobozi bafite bwatuma babasha kwiga muri Kaminuza.

Si ubwa Mbere haba igenzura nk’iri muri Kaminuza za Tanzania, icyakora ibyo kugenzura banafunga nibwo bigiye gutangira.

Yisangize Inshuti.

Ibitekerezo

Tanga Igitekerezo