Sudani y’Epfo:Loni yatanze imbuto abaturage barayirya

Umuryango w’abibumbye(UN) watangaje ko ikibazo cy’inzara iri muri Sudani y’Epfo gishobora gukomera cyane bitewe na ruswa,kumenyerezwa inkunga zidashira n’ubushake buke bw’abanyapolitiki mu kurangiza intambara muri iki gihugu.

Umuyobozi w’ishami ry’umuryango w’Abibumbye ryita k’ubuhinzi(FAO), José Graziano da Silva yatangaje ko inzara yibasiye igice kimwe cya Sudani y’Epfo ishobora gukwira mu gihugu cyose mu gihe imiryango nterankunga yakomeza gukora yonyine nta ruhare rwa Leta.

Uyu muyobozi yavuze ko kwirirwa batanga inkunga z’ibiribwa ku batuye Sudani y’Epfo bidashobora gutanga umuti urambye ku nzara iri muri iki gihugu.

Uyu mugabo avuga ko baherutse gutanga inkunga y’imbuto yo guhinga maze abaturage bakayirya gusa ngo ntawe ukwiye kubibarenganyiriza.

Umuyobozi w’ishami ry’umuryango w’abibumbye ryita ku biribwa(WFP),David Beasley yatangaje ko n’abarwanyo bitwaje intwaro babikora kuko nta yandi mahitamo ngo babashije kubona ibiribwa bashyira intwaro hasi.

Aba bayobozi bavuga ko barambiwe guhora batanga inkunga nyamara nta mpinduka impande zihanganye zigaragaza.

Abaturage b’iki gihugu barenga 95 000 bahunze inzara n’intambara bakajya muri Sudani,kandi UN ikavuga ko iyi mibare igikomeza kwiyongera.

Emmanuel MURWANASHYAKA

Yisangize Inshuti.

Ibitekerezo

Tanga Igitekerezo