Kwamamaza

MU MAHANGA

Sudani y’Epfo: Abasirikare 13 ba Leta bashinjwa gufata ku ngufu babihakaniye mu rukiko

Yanditswe

kuya

na

Makuruki
Sudani y’Epfo: Abasirikare 13 ba Leta bashinjwa gufata ku ngufu babihakaniye mu rukiko

Abasirikare 13 bakurikiranyweho icyaha cyo gufata ku ngufu bagejejwe imbere y’urukiko bahakana icyo cyaha bavuga ko cyakorewe mu gace kari karimo inyeshyamba.

Iki cyaha barashinjwa kuba baragikoze mu gihe habagaho gukozanyaho hagati y’Ingabo za Guverinoma n’inyeshyamba mu minsi ishize.

Uwunganira aba basirikare avugako ibyo bashijwa ari ibinyoma kuko imvururu zabereye mu gace gacungwa n’inyeshyamba bityo ngo ntabwo ari bo bakoze icyo cyaha.

Abashizwe kugarura amahoro muri iki gihugu kandi baranengwa kuba barananiwe guhagarika imvururu zimaze imyaka itatu n’igice zatumye habaho intambara hagati y’ingabo za Salva Kiir ndetse n’ingabo zishyigikiye Riek Machar.

Mu rubanza aba basirikare baregwamo barashijwa gutera Hotel bamwe mubakozi b’imiryango mpuzamahanga itandukanye bari bacumbitsemo.

Ushinzwe iyi Hotel yatangaje ko abasirikare bari hagati ya 50 na 100 bateye kuri hoteri bagafata ku ngufu abagore 5, nyamara uwunganira izi ngabo yakomeje kubihakana avuga ko bidashoboka ko zaba ari zo kuko ngo iyo Hotel iherereye mu gace gacungwa n’inyeshyamba.

Ibi bikorwa byabaye mu minsi 3 y’imvururu zaguyemo abagera kuri 73 harimo n’abandi 20 bari bagiye gusaba ubuhungiro mu muryango w’abibumye na babiri bari bashinzwe kugarura amahoro na bo bishwe.

Inkuru dukesha BBC iravugako Guverinoma ya Sudani y’Epfo ikomeje guhangana n’ibibazo bijyanye no gufatwa ku ngufu kw’abantu kuko bigenda gufata indi ntera.

Abakunze gufatwa ku ngufu usanga ari abanya-Sudani ariko ugasanga nta ngufu zishyirwa mu guta muri yombi ba nyirabayazana.

Imvururu zatewe n’amakimbirane ashingiye ku moko muri iki gihugu zimaze guhitana abarenga ibihumbi 30 na ho ababarirwa muri miliyoni bakuwe mu byabo.

Ndayishimiye Thierry

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza