Somaliya: Abasirikare baguye mu gitero umwiyahuzi yagabye ku modoka ya gisirikare

1

Leta ya Somaliya yatangaje ko igisasu cyaturikirijwe n’umwiyahuzi ku modoka ya gisirikare cyahitanye umwiyahuzi n’abasirikare babiri, mu gihe Alshabaab ishinjwa kugaba iki gitero yo ivuga ko yivuganye abasirikare 17.

Iki gisasu cyaturikirijwe ku modoka y’abasirikare mu mujyi mukuru Mogadishu hafi y’ahakorera inteko ishinga amategeko ya Somaliya.

Igipolisi cyo muri iki gihugu cyatangarije Reuters ko iki gitero cyaguyemo abasirikare babiri ndetse batanu barakomereka.

Iyi mibare ariko ntihuye n’iy’abarwanyi ba al-Shabaab batangaje nyuma yo kwigamba iki gitero kuko bo bavuze ko bivuganye abasirikare ba Leta 17 abandi 30 bakaba bakomeretse.

Uyu mwiyahuzi warashe iki gisasu ngo na we yaguye muri iki gitero.

Ni kenshi Al-Shabaab igaba ibitero by’ubwiyahuzi ku ngabo za Leta ya Somaliya ariko akenshi ugasanga umubare w’abaguye mu bitero ntuvugwaho rumwe hagati y’abarwanyi ba Al-Shabaab n’ibyo Leta iba yatangaje.

Hashize imyaka myinshi Leta ya Somaliya iri mu ntambara yo guhangana na al-Shabaab ndetse muri iki gihugu hari n’ingabo za LONI ziri mu butumwa bwo kubungabunga amahoro (AMISOM) kuva muri 2011 nyamara ntibibuza aba barwanyi gukomeza guhungabanya aumutekano.

Yisangize Inshuti.

Ibitekerezo 1

  1. ariko aba nabo barakabya ubusr
    barabona iriya modoka yaritwaye abantu 30?

Tanga Igitekerezo