Sierra Leone abantu 600 baracyashakishwa munsi y’umusozi wabagwiriye

2

Abantu bagera kuri 600 muri Sierra Leone baracyashakishwa nyuma yo kugwirwaho n’umusozi n’aho abamaze gutabururwa bo biteganyijwe ko bagomba gushyingurwa mu mva imwe.

Ibikorwa byo gushakisha aba bantu bataraboneka mu murwa mukuru freetown birakomeje umuvugizi wa Perezida w’iki gihugu Abdulai Baraytay yatangaje ko hakiri abantu 600 bataraboneka bagishakishwa.

Abantu 400 nibo bamaze kuboneka bazwi ko bapfiriye muri ibi biza byibasiye akarere ka Regent ndetse n’utundi duce twa Freerown kuwa mbere w’iki cyumweru.

Umuryango w’abatabazi Croix Rouge cyatabaje ko iki ari umwanya wo gusiganwa n’igihe ngo ibikorwa byo gushaka iyi mibiri byihutishwe.

Biteganyijwe ko abapfuye bashyingurwa mu mva imwe kugirango haboneke imva zo kubashyinguramo bose.
Umuvugizi wa prezida Abdulai Baraytay yabwiye BBC abantu 600 bataraboneka ati:"Imiryango iri mu mukiriyo . Hari abantu bataraboneka barenga 600,"

Sierra Leone yinjiye muri ibi bihe bibi byahekuye igihugu nyuma y’igihe gito nanone ivuye mu bindi bihe bibi bya Ebola.

Yisangize Inshuti.

Ibitekerezo 2

Tanga Igitekerezo