Warning: imagejpeg(local/cache-vignettes/L463xH260/arton12063-e2556.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Riek Machar yavuye muri Kongo ahabwa ubuhungiro mu kindi gihugu .|. Makuruki.rw | Amakuru Asesenguye!

Riek Machar yavuye muri Kongo ahabwa ubuhungiro mu kindi gihugu

Leta ya Sudani yatangaje ko Dr Riek Machar utavuga rumwe na Leta ya Sudani y’Epfo yageze i Khartoum muri Sudani aho avuga ko agiye kwivuza indwara imumereye nabi yarwariye mu buhungiro muri Repubulika iharanira Demukarasi ya Kongo

Minisitiri w’itumanaho muri Sudani Ahmed Bilal Osman ni we watangaje kuri uyu wa kabiri ko Riek Machar yageze muri Sudani ati: " Sudani yakiriye Dr Riek Machar ku mpamvu z’ubuzima bwe, cyane cyane ku bijyanye n’uko akeneye kuvurwa no kwitabwaho n’abaganga"

Yatangaje kandi ko kuri ubu nta mpungenge z’ubuzima bwa Riek Machar zihari kuko ngo arimo kwitabwaho n’abaganga kandi ubuzima bwe buri kugenda bumera neza ndetse yongeraho ko azahaguma kugeza akize kandi akazahavu ku bushake bwe nkuko Aljazeera ibitangaza.

Machar yongeye guhunga igihugu cye cya Sudani y’Epfo yari anabereye Visi Perezida nyuma y’imirwano ikomeye iherutse guhuza ingabo ze n’iza Perezida Salva Kiir yatumye abantu basaga 300 bahasiga ubuzima ndetse abandi ibihumbi n’ibihumbi bakava mu byabo.

Nyuma yo guhungira mu ishamba, Machar yahise asimbuzwa Taban Deng Gai ku mwanya wa Visi Perezida .

Mu minsi ishize Machar yari ari muri Repubulika iharanira Demukarasi ya Kongo aho byavuzwe ko yakomeretse ku kuguru.

Igihugu cya Sudani y’Epfo cyiyomoye kuri Sudani binyuze muri kamarampaka yatowe n’abaturage hafi ijana ku ijana ndetse kiza kubona ubwigenge tariki 9 Nyakanga 2011.

Gusa nyuma yo kubona ubwigenge, ukutumvikana hagati ya Perezida Kiir na Machar byatumye intambara zaduka kuva muri 2013. Nyuma muri 2015 baje gusinya amasezerano y’amahoro agamije gushyiraho guverinoma ihuriweho ariko mu kwezi gushize aya masezerano barayishe bongera gusubira mu mirwano.

Kuri ubu akanama ka Loni gashinzwe amahoro ku isi kafashe icyemezo cyo kohereza ingabo 4,000 zidasanzwe mu rwego rwo kugarura amahoro muri icyo gihugu.

Yisangize Inshuti.

Ibitekerezo

Tanga Igitekerezo