Warning: imagejpeg(local/cache-vignettes/L441xH330/arton10594-fe81d.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Igitero FDLR yagabye ku ngabo za Kongo (FARDC) cyahitanye batanu .|. Makuruki.rw | Amakuru Asesenguye!

Igitero FDLR yagabye ku ngabo za Kongo (FARDC) cyahitanye batanu

Inyeshyamba za FDLR zimaze iminsi zibasiye Kivu y’amajyaruguru.

Abantu batanu baguye mu gitero cyagabwe n’inyeshyamba za FDLR mu gace ka Kivu y’amajyaruguru muri Repulika iharanira demokalasi ya Kongo mu ijoro ryo ku wa gatandatu rishyira ku ri iki cyumweru tariki 29 Gicurasi 2016.

Iki gitero ngo cyahanganishije bikomeye ingabo za Leta ya Kongo n’inyeshyamba za FDLR mu mirwano yamaze hafi isaha yose aho FDLR yasanze FARDC aho yari ikambitse.

Radio Okapi yatangaje ko FDLR yari yaje yiteguye urugamba kuko ngo yari ifite intwaro ziremereye itangira kurasa ku basirikare ba Leta bari bakambitse mu gace kitwa Katwa.

Iyi mirwano ngo yahitanye abasirikare babiri ba FARDC hamwe n’abandi bantu 3 bari bacungiwe umutekano n’ingabo za Leta.

Nyuma yo kurwana n’ingabo za Leta, FDLR yahise yirara mu ngo z’abaturage barazisahura kuburyo babasize iheruheru.

Abagize Sosiyeti sivile bo mu gace ka Nyiragongo, batangaje ko uwo munsi FDLR yibye ihene ndetse ikanasahura ibintu byinshi bitandukanye mu nzu eshanu.

Ikigo gishinzwe kurengera amahoro, demokalasi n’uburenganzira bwa muntu (CEPADHO), cyasabye ingabo za Leta ya Congo(FARDC) kongera imbaraga bagaba ibitero kuri FDLR iri muri pariki ya Virunga mu duce twa Nyiragongo na Rutchuru.

Yisangize Inshuti.

Ibitekerezo

Tanga Igitekerezo