Perezida Putin yamaganye ibihano byafatiwe Abakinnyi b’igihugu cye

Perezida w’Uburusiya Vladimir Putin yavuze ko atishimiye icyemezo cyo kubuza abakinnyi ngororamubiri b’Uburusiya kujya mu marushanwa mpuzamahanga harimo n’imikino “ Olympic” izabera muri Brasil.

Ishyirahamwe mpuzamahanga ry’imikino ngororamubiri ku isi (IAAF) ryafashe icyemezo cyo kutavaniraho ibihano abakinnyi b’Uburusiya bahawe nyuma yo gushinjwa gufata imiti ibaha ingufu itemewe kandi n’igihugu cyabo kikabashyigikira.

Iri shyirahamwe rivuga ko igishoboka ari uko abakinnyi b’Uburusiya bashobora kujya mu marushanwa ku giti cyabo mu gihe bigaragara ko nta ho bahuriye n’iki cyaha.

BBC dukesha iyi nkuru ivuga ko Perezida Putin yasabye komite mpuzamahanga y’imikino ngororamubiri (IOC) kugira icyo ibikoraho kugira ngo abakinnyi b’igihugu cye babe bakemererwa gukina imikino mpuzamahanga cyane iya Olimpic.

U Burusiya bwabaye buhagaritswe muri IAAF m’Ugushyingo 2015 nyuma y’aho icyegereranyo cy’ishyirahamwe rishinzwe kurwanya imiti itemewe yongerera ingufu abakinnyi, cyerekanye ko mu Burusiya hari umuco wo gufata bene iyo miti, ku buryo n’inzego zishinzwe iperereza z’icyo gihugu ziri kubikurikirana.

Yisangize Inshuti.

Ibitekerezo

Tanga Igitekerezo