Portugal: Bane baguye mu iturika ryabereye mu ruganda rw’ibishashi bikoreshwa mu birori

Abantu bane biravugwa ko baguye mu iturika ryabereye mu ruganda rukora ibishashi by’umuriro (fireworks) byifashishwa mu birori bitandukanye, mu gihugu cya Portugal.

Iryo turika ryabaye kuri uyu wa Kabiri ku mugoroba mu gace ka Avoes gaherereye mu birometero 300 uvuye mu mujyi mukuru Lisbone.

Abayobozi bashinzwe ubutabazi muri icyo gihugu babwiye itangazamakuru ko urwo ruganda rwari urw’Umuryango umwe kandi ngo n’abapfuye ni abo mu muryango umwe, dore ko abakozi bahakoraga ari abo mu miryango yegereye uruganda.

Uretse bane bapfuye, hari n’abandi bakozi batatu baburiwe irengero kandi polisi yatangaje ko bigoye kubabona.

Na nyir’uruganda biravugwa ko yaba yapfuye.

Ikinyamakuru Foxnews cyatangaje ko abakozi bari bari mu ruganda batazwi neza umubare, icyakora ngo bashpbora kuba bageraga muri 15.

Yisangize Inshuti.

Ibitekerezo

Tanga Igitekerezo