Perezida Jacob Zuma yasubije amafaranga yakoresheje asana inzu ye

Perezida wa Afurika y’Epfo Jacob Zuma yagaruye mu kigega cya leta amafaranga yakoresheje asana inzu ye iri mu gace ka Nkandla nk’uko yari yabitegetswe n’urukiko.

Urukiko rukuru muri icyo gihugu mu ntangiriro z’uyu mwaka rwategetse ko Zuma agarura amadolari miliyoni 23 yakoresheje asana inzu ye bwite mu mwaka wa 2009.

BBC yatangaje ko Minisiteri y’Imari yemeje ibyo kugarura ayo mafaranga ndetse ko bamaze kuyakira mu isanduku ya Leta.

Ikibazo cy’ayo mafaranga cyazamuye impaka hagati y’ishyaka rya ANC Zuma n’abatavuga rumwe na we, ndetse hari abasabaga ko ahita yegura.

Muri Mata uyu mwaka Zuma yemeye ko ibyo yakoze ari amakosa ndetse avuga ko biteye isoni, anasaba imbabazi.

Yisangize Inshuti.

Ibitekerezo

Tanga Igitekerezo