Perezida Duterte wahoze anywa itabi yasinye itegeko ribuza kunywera itabi mu ruhame

Rodrigo Duterte, Perezida wa Philippines yasinye itegeko ryo guhana umuntu wese uzafatwa anywera itabi mu ruhame.

Uyu Mu perezida wigeze nawe kunywa itabi igihe kirekire akaza kubireka nyuma yo gufatwa n’indwara yo kubyimba udutsi dutwara amaraso.

The Guardian dukesha iyi nkuru ivuga ko uzarenga kuri iri tegeko azahanishwa igifungo cy’amezi ane n’amande y’amafaranga 5000 by’amapeso (amafaranga akoreshwa muri Phillipines) ahwanye n’amadolari 100.

Iri tegeko kandi rihana umuntu wese uzamamaza,uzatera inkunga ibikorwa byose bijyanye n’curuzwa ry’itabi akazajya ahanishwa igifungo cy’imyaka ine n’amande yibihumbi Magana ane by’amapeso.Sosiyete izafatwa yabikoze ishobora no kujya yamburwa uburenganzira bwo gukorera muri Philippines.

Abantu bakuru bagiye gushyirirwaho ahantu ho kunywera itabi hatarengeje nibura ubuso bwa metero kare 10 kandi ari kure nibura ya metero 10 y’ahaherereye inzu zihuriramo abantu benshi.

Iki gihugu cyabarizwagamo abanywi bitabi bagera kuri milliyoni 17 ,hafi 50% bya bagabo bose batuye Philippines, kandi 9% by’abagore bo muri iki gihugu banywa itabi.

Raoul D Nshungu

Yisangize Inshuti.

Ibitekerezo

Tanga Igitekerezo