Papa Francis yasabye abakirisitu gusoma Bibiliya kenshi nkuko bakoresha telefone

2

Umushumba wa Kiliziya Gatulika ku isi Papa Francis yavuze ko abakirisitu bakwiye kuzirikana ko bazahabwa imbaraga ziturutse mu gusoma Bibiliya ari uko bihatiye kuyisoma nkuko basoma ubutumwa bohererezwa kuri za telefone zabo zigendanwa.

Papa Francis yavuze ko Bibiliya ari intwaro ikomeye y’umukirisitu wese, bityo ko nta we ugomba kwibagirwa kuyisoma ahubwo abasaba kuyiha umwanya munini buri munsi bakayisoma inshuro nyinshi nkuko basoma ubutumwa bugufi bohererezwa ku matelefoni yabo agendanwa.

Yavuze ko ibi biramutse bikozwe,abantu benshi bahinduka ibiremwa byiza ndetse bakagira ubukirisitu buhamye, bityo avuga ko no mugihe abantu bibagiriwe Bibiliya zabo mu rugo bagize aho bajya bakwiye guhita basubirayo kuzizana bakazigendana kugirango bazifungure kenshi bazisome.

Yagize ati: “Byamera gute dusubiye mu rugo twayibagiwe, tuyifungura kenshi ku munsi, dusomye ubutumwa bw’Imana buri muri Bibiliya nk’uko dusoma ubutumwa twandikiwe kuri telefoni.”

Bibiliya ni cyo gitabo abakilisitu mu ngeri n’amadini atandukanye bashingiraho kwizera kwabo, ibi bikaba ari byo Papa Francis aheraho asaba abakirisitu kutajya kure y’icyo gitabo kuko ari yo ntwaro yabo ikomeye mu rugendo rujya mu Ijuru.

Ubu butumwa Papa Francis yabutanze Kuri iki Cyumweru cya mbere cy’igisibo ku bakirisitu Gatolika bitegura umunsi mukuru wa Pasika.

Yisangize Inshuti.

Ibitekerezo 2

  1. NABURE KWIHERAKO UZIKO ARIWE GIKOKO KIVUGWA MUVYAHISHUWE AHUBWI MUHUNGE MUVE IWE MWOYE GUHABWA KUVYAGO VYIWE.

  2. Ibyo yavuze nibyo ñjye ndabyemera 100% kuko usanga ibyo gusama bibiriya bisigaye hacye cyane pe.Uzarebe nawe iyo mgb iyo Zarangiye umuntu uhangayika kuko utariho uchartinga nishuti zawe mbese iyo utali online ntamahoro ugira ariko ushobora kumara igihe runaka ubumbura bibiriya kucyumweru cg kwisabato nabwo waba uvuye mumateraniro ukagenda ugashyira mububiko.Imana itwongere imbaraga zogukunda gusoma ijombo ryayo

Tanga Igitekerezo