Kwamamaza

MU MAHANGA

Papa Francis yahamagariye Isi yose gusengera igihugu cya Kenya

Yanditswe

kuya

na

Jean Paul Niyitanga
Papa Francis yahamagariye Isi yose gusengera igihugu cya Kenya

Umuyobozi wa Kiliziya Gatulika ku Isi Papa Francis yahamagariye isi yose kumufasha gusengera igihugu cya Kenya kugirango Imana ifashe abaturage bacyo gukora amatora mu mahoro.

Papa Francis yavuze ko muri iyi minsi arimo gusengera Kenya cyane kuko abona ko yugarijwe n’imvururu za politiki zishingiye ku matora ya Perezida wa Repubulika muri iki gihugu ateganyijwe gusubirwamo kuwa kane w’iki cyumweru (26 Ukwakira 2017).

Avuga ko nyuma yo kuba yarasuye Kenya muri 2015 ikaba yinjiye mu bibazo bikomeye akwiye gusaba Imana kugirango ifashe impande zombi gukemura ikibazo gihari binyuze mu biganiro by’amahoro aho yanasabye abatuye isi bose kumufasha gusengera Kenya.

Ati: "Ndabasaba kumfasha tugasenga dusabira isi amahoro, muri iyi minsi nitaye cyane ku gihugu cya Kenya mperutse gusura mui 2015, ndasenga kugirango igihugu cyose gishobore kunyura mu bibazo bikomeye binyuze mu biganiro bihuriweho bigamije kurengera inyungu rusange."

Imvururu muri Kenya zatangiye ubwo urukiko rw’Ikirenga rwatangazaga ko amatora yabaye kuwa 08 Kanama agomba guseswa kuko atakurikije amabwiriza ndetse rugategeka ko hategurwa andi mu minsi 60.

Raila Odinga utavuga rumwe n’ubutegetsi wari wahatanye bikomeye na Uhuru Kenyatta uri ku butegetsi muri icyo gihugu, yahise asaba ko muri Komisiyo y’amatora haba impinduka mu bayobozi ariko ntibyakorwa.

Odinga yaje gufata umwanzuro wo kwikura muri aya matora avuga ko impiunduka yasabye zitakozwe akaba atizeye ko amatora azagenda neza.

Hakomeje kuba imyigaragambyo itarahwemye gupfiramo abantu ndetse Daily nation yatangaje ko abantu 70 bamaze gusiga ubuzima mu myigaragambyo kuva muri Kanama.

Muri 2007 na bwo muri iki gihugu habaye imvururu zishingiye ku matora ya perezida wa repubulika hapfa abantu basaga1.200.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza