Kwamamaza

MU MAHANGA

Amahirwe ya Raila Odinga yo kuba Perezida wa Kenya aragenda azamuka

Yanditswe

kuya

na

Editor
Amahirwe ya Raila Odinga yo kuba Perezida wa Kenya aragenda azamuka

Perezida Uhuru Kenyatta (ibumoso) na Raila Odinga wahoze ari Minisitiri w’Intebe

Imibare y’ikusanyabitekerezo yagaragaje ko Raila Odinga wahoze ari Minisitiri w’intebe ashyigikiwe n’abaturage benshi kuko Perezida Uhuru Kenyatta uri ku butegetsi amurusha 12% gusa.

Ikusanyabitekerezo ryakozwe n’ikigo cy’ubushakashatsi cyo muri Kenya cyitwa IPSOS ku baturage ba Kenya 2,026.

Ibyavuyemo byerekanye ko amatora ya Perezida muri Kenya aramutse akozwe uyu munsi 47% by’abaturage batora Kenyatta mugihe 42% batora Raila Odinga wahoze ari Minisitiri w’intebe.

Iri kusanyabitekerezo rirerekana ko amahirwe ya Raila Odinga agenda azamuka kuko muri Mutarama yari ashyigikiwe na 29% mu gihe Uhuru Kenyatta yari ashyigikiwe na 40% by’abaturage.

Ibi biragaragaza ko Raila Odinga akunzwe na benshi mu banya Kenya kuko kuba Perezida uyoboye igihugu amurusha 12% gusa byerekana ko hari abaturage benshi bamufitiye icyizere ko yabayobora neza aramutse atowe.

Inkuru dukesha Citizen iravugako iri kusanyabitekerezo ryakorewe kuri murandasi ibyarivuyemo bikaba byarashyizwe ahagaragara kuri uyu kabiri tariki 30 Gicurasi.

Iki kinyamakuru kivuga ko ibyavuye muri iri kusanyabitekerezo byerekana ko biramutse ari amajwi yavuye mu matora muri aba bombi ntawatsindira kuba umukuru w’Igihugu cya Kenya nubwo Uhuru Kenyatta ari we waza imbere, kuko itegeko nshinga ry’iki gihugu rivuga ko umukandida watsinze amatora agomba kuba nibura yabonye amajwi 51%.

Ni ukuvuga ko iyaba ari amajwi y’amatora, abaturage bakongera gutora hakarebwa niba havamo ugira hejuru ya 50%.

Amatora ya Perezida muri Kenya ateganyijwe kuba muri Kanama uyu mwaka.

Ndayishimiye Thierry

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza