Obama yavuze ko Trump afite imiziro itamwemerera no gukora mu iduka

3

Perezida Obama

Perezida wa Leta Zunze Ubumwe za Amerika Barrack Obama yatangaje ko umukandida w’abarepubulike Donald Trump afite imiziro idashobora gutuma yitwa Perezida w’igihugu gikomeye ku isi nka Amerika.

Obama yavuze ko amagambo aherutse kugaragara mu mashusho yafashwe mu mwaka wa 2005, aho Trump yavugaga amagambo ateye isoni ku bagore, ngo ntibimwemerera no gukora mu iduka uretse no kuba Perezida.

Kuri uyu wa Kabiri ubwo yamamazaga umukandida w’abademokarate Hillary Clinton mu mujyi wa Greensboro muri Carolina y’Amajyaruguru, Obama yavuze ko abarepubulike bakwiye kwitandukanya na Trump haba ku magambo yavuze no kurekera aho kumushyigikira mu bikorwa byo kwiyamamaza.

Yagize ati “Hari abantu bavuze ko batamushyigikiye kubyo yavuze, ariko bati turacyamuri inyuma, bo bracyatekereza ko azaba Perezida, kuri njye ibyo simbyumva.”
Yakomeje agira ati “Urabona uriya mugabo aho bigeze, ibyo yavuze nta n’umwe wabyihanganira n’iyo yaba ari kwaka akazi ko gukora mu iduka.”

Kuwa Gatanu w’Icyumweru gishize nibwo Ikinyamakuru Washington Post cyasohoye amashusho aho Trump yigambaga uburyo yasambanye n’umugore ufite umugabo ndetse anavuga ko iyo uri icyamamare umugore wese ushatse umukoresha icyo ushaka.

Ayo magambo Trump yemeye ko yayavuze ariko avuga ko atari ko ateye, mugihe abandi bayobozi bakomeye bo mu ishyaka rye bamuteye umugongo bavuga ko yasebeje cyane abagore kubw’ibyo adakwiye kuba Perezida.

Ibiro Ntaramakuru Reuters byatangaje ko abasenateri bagera kuri 331 n’abandi bayobozi mu ishyaka rya Trump bamaganye ibyo yavuze, ndetse ngo 10 % byabo byavuze ko akwiye kwegura mu bahatanira umwanya w’umukuru w’igihugu.

Trump we yavuze ko adashobora kwegura, ngo kuko mu buzima bwe atajya atsindwa.

Yisangize Inshuti.

Ibitekerezo 3

  1. none se ibyo tramp yavuze sibyo , none se reba ubukene buri hanza ha . ngaho rero mubwire icyo muziza tramp yavuze.

  2. amerika ikwiye gutegekwa na TRUMP akayigarura munzira nyabagendwa nta Obama ashyigkire abishe kadafi koko kandi azi ko erengana ! ajye abanza yitokore mbere yo gushinja abandi

Tanga Igitekerezo