Obama yashyize ku munzani ubushobozi bwa Hillary abugereranya n’ubw’abayoboye USA bose

1

Obama yahoberanye na Clinton ashimangira icyizere amufitiye mu miyoborere ye naramuka atsinze amatora

Perzida wa Leta zunze ubumwe za Amerika yatangaje ko ubushobozi bw’umukandida Hillary Clinton ari ntagerereranwa ndetse ashimangira ko nta n’undi muyobozi wayoboye Amerika wanganya na we ubushobozi.

Ku munsi wa gatatu w’inama karundura y’ishyaka ryaba Democrates, kuri uyu wa 27 Nyakanga, Perezida wa Leta zunze ubumwe za Amerika Barack Obama yafashe umwanya ashimagiza umukandida w’ishyaka rye maze yemeza ko ari we muntu ufite ubushobozi bwo kuyobora Amerika kurusha abandi ba Perezida bose bayoboye iki gihugu.

Yagize ati: "Uyu ni we muyobozi ufite imigambi nyakuri ishobora guteza imbere Amerika ikongerera amahirwe buri munyamerika wese, ibihe byinshi mwampisemo kandi nanjye narabazamuye, muri iri joro ndabasaba gukorera Hillary Clinton ibyo mwankoreye, mumuhitemo nkuko mwampisemo"

Yavuze kandi ko Hillary atanduka nye cyane na Donald Trump bahanganye kuko ngo Trump ari umuntu wo kuvuga gusa no gutera ubwoba abaturage ndetse no gutesha agaciro Leta zunze ubumwe za Amerika.

Ibi yabivuze abihereye ku magambo Trump ubwe yivugiye avuga ko Leta zunze ubumwe za Amerika ari igihugu kuri ubu kidakomeye kandi gifite abantu benshi babayeho mu bukene kandi barenganywa.

Hillary Clinton yanditse amateka yo kuba umugore uhagararira ishyaka rikomeye nk’iry’aba Democrates muri Leta zunze ubumwe za Amerika, ikintu kitigeze gikorwa n’umugore uwo ari we wese muri iki gihugu mu myaka 240 ishize.


Hillary ashyigikiwe na benshi mu ishyaka ry’aba Democrates

Yisangize Inshuti.

Ibitekerezo 1

  1. Ok nange clintoni muri inyuma ariko obama yivuga ngo niwe niwe uhebuje kurenze George washington wanitiriwe umurwa mukuru wikigihugu gusa uko mbyumvise trump aba ashaka gukasa obama kuberako ari umwirabura obama nawe akavuga ashaka kumukasa yerekana ko ntabushobozi afite rero mureke dutegereze buri muribo haruwo Imana yateganyije nkuko dawidi yatoranyijwe.

Tanga Igitekerezo