Nyuma ya Ireland, Serbia yabonye Minisitiri w’Intebe w’umutinganyi

Bwa mbere mu mateka y’igihugu cya Serbia hashyizweho Minisitiri w’Intebe w’umugore akaba n’umutinganyi.

Ana Brnabić w’imyaka 41 yashyizweho na Perezida Aleksandar Vučić kuri uyu wa Kane, ngo abe Minisitiri w’Intebe.

Serbia ibonye Minisitiri w’Intebe w’umutinganyi mu gihe muri iki cyumweru na Ireland yashyizeho Leo Varadkar ngo ayibere Minisitiri w’Intebe akaba n’umutinganyi.

Ikinyamakuru The Guardian cyatangaje ko Perezida Aleksandar yashyizeho Brnabić kubera ko akunda akazi, anamutegeka guhita ashyiraho Guverinoma nshya.

Brnabić yinjiye muri politiki umwaka ushize agirwa Minisitiri w’abakozi ba Leta n’imiyoborere y’imbere mu gihugu, anatangaza ku mugaragaro ko ari umutinganyi.

Abanya Seribia 68 % bemeza ko ubutinganyi ari indwara naho 78 % bakavuga ko ufite ubutinganyi adakwiye kubivuga mu ruhame.

Yisangize Inshuti.

Ibitekerezo

Tanga Igitekerezo