Minisitiri Netanyahu agiye gukorera urugendo rw’iminsi ine muri Afurika

Netanyahu uzakorera urugendo rw’iminsi ine muri Afurika arikumwe na Perezida Kenyatta muri Israel
kuri uyu wa mbere minisitiri Netanyahu ategura gukorera urugendo rw’iminsi ine mu bihugu bya Afurika harimo uRwanda, Uganda, Kenya, ndetse na Ethiopia aho aje gushimangira umubano wa Israel n’ibihugu byo mu karere ka Afurika y’Iburasirazuba, uru rugendo rukazahera muri Uganda mu muhango wo kwizihiza imyaka 40 habaye Operation Entebbe.

Ministiri w’intebe Benjamin Netanyahu kuri uyu wa mbere azagira urugendo rw’iminsi ine ku mugabane wa Afurika. Uru rugendo ruzakorerwa mu bihugu bine harimo uRwanda, Uganda, Kenya ndetse na Ethiopia rugamije kurebera hamwe uburyo bushya bwo gushyiraho umutekano unoze.

Uru rugendo ruzatangirira muri Uganda aho bazaba bibuka imyaka 40 habayeho Entebbe Operation.

Israel yiteze ko uru rugendo ruzakorwa bwa mbere na ministiri w’intebe mu bihugu biri munsi y’ubutayu bwa Afurika nyuma y’imyaka myinshi ruzagirira akamaro ibihugu bya Afurika bikeneye umutekano ndetse n’ubufasha mu by’ubuhinzi.

Israel ifite amateka maremare muri Afurika aho yagiye yohereza abahanga mu by’ubuhinzi n’iterambere ndetse n’abajyanama mu bya gisirikare.

Urugendo rwa Netanyahu ruje gukomeza umubano nyuma yurwo ministiri w’umutekano n’ububanyi n’amahanga Avigdor Lieberman yakoreye kuri uyu mugabane nyuma y’imyaka 20 nta ministiri w’ububanyi n’amahanga wo muri Israel usura uyu mugabane wa Afurika.

Benshi mu bayobozi bakomeye muri Afurika bagiye basura Israel mu myaka ishize aho twavuga nka Perezida wa Kenya Uhuru Kenyatta na Prezezida wa Liberiya Ellen Johnson Sirleaf na Dore Gold inzobere mu bya politiki uheruka kujya muri Afuruka yepfo muri Werurwe uyu mwaka.

Ubwo Perezida Johnson yahuraga na Perezida Rivlin muri Israel.

Israel iza muri Afurika na Afurika ikajya muri Israel inshuro nyinshi, Netanyahu yabwiye abambasaderi b’ibihugu bya Afurika muri iki gihugu ko afatanyije na guverinoma bagiye gushaka amafaranga agera kuri miriyoni 13 z’amadorari mu buryo bwo gukomeza ubukungu n’umubano n’ibihugu bya Afurika.

Israel kandi yagiye igira uruhare mu gufasha bimwe mu bihugu byo muri Afurika mu kubona ubwigenge mu myaka ya 1960, gusa uyu mubano waje gucika mu myaka ya 1970 ubwo ibihugu by’abarabu byahatiraga ibihugu bya Afurika gucana umubano na Israel.

Ubwo imitwe y’iterabwoba yageraga muri Afurika harimo BokoHaram yo muri Nigeria, Al-Quaida yihuje na Al-shabab muri Somalia, Israel yagiranye ubufatanye n’ibihugu nka Kenya, Uganda na Nigeria.

Yisangize Inshuti.

Ibitekerezo

Tanga Igitekerezo