Mexique:Abanyamakuru bigabije imihanda kubwa mugenzi wabo wishwe arashwe

Abanyamakuru bo muri Mexique bigabije imihanda bigaragambya kubera mugenzi wabo Javier Valdez wishwe arashwe kuwa Mbere.

Aba banyamakuru basabaga ko guverinoma igira icyo ikora abamwishe bakagezwa imbere y’ubutabera.

Valdez watsindiye ibihembo byinshi mu itangazamakuru, yari amenyerewe mu gukora inkuru zicukumbuye ku icuruzwa ry’ibiyobyabwenge.

BBC dukesha iyi nkuru ivuga ko n’ubusanzwe yajyaga aterwa ubwoba ko azicwa kubera inkuru yakoraga.

Abanyamakuru basabye Leta kurinda umutekano wabo .

Uwitwa Judith Gomez yatangaje ko kugeza ubu ibibazo bijyanye no kwica abanyamakuru bigezwa mu Nkiko, ibyakurikiranywe ari 0.03% , bigaragaza intege nke za Leta mu kurinda umutekano w’abanyamakuru.

Urwego rw’Itangazamakuru muri iki gihugu ruvuga ko abanyamakuru bagera kuri 40 bamaze kwicwa kuva mu mwaka wa 1992.

Ndayishimiye Thierry

Yisangize Inshuti.

Ibitekerezo

Tanga Igitekerezo