Malawi:Umugabo wiyitaga impyisi agasambanya abana n’abapfakazi yahawe imirimo y’agahato

1

Eric Aniva, umugabo wiswe impyisi muri Malawi yasabiwe igihano cyo gufungwa imyaka ibiri no gukora imirimo y’agahato.

Muri Nyakanga uyu mwaka nibwo Aniva yemereye BBC ko amaze gusambana n’abana b’abakobwa ndetse n’abapfakazi basaga ijana.

Mu gace Aniva atuyemo, hari umuco wo guhumanura abagore bapfushije abagabo (gusambana n’umwe mu bagabo bo muri ako gace) ndetse no gusambanya umukobwa wameze amabere, biziw nko kumwinjiza mu ciciro cy’abakuru.

Icyakora uwo muco hashize imyaka ibiri uciwe muri icyo gihugu.

Aniva yatawe muri yombi ku busabe bwa Perezida Peter Mutharika asaba ko ubutabera bukora hakarenganurwa abagore bose yasambanyije kandi azi ko arwaye SIDA.

Mutharika yashakaga ko Aniva anaburana ku byaha byo gusambanya abana bato ariko habuze uza kubimushinja mu rukiko.

Yahamijwe ibyaha byo kurenga ku mahame y’umuco wa Malawi , agasambanya abapfakazi.

Umwunganizi we mu mategeko yavuze ko azajurira umwanzuro w’urukiko.

Yisangize Inshuti.

Ibitekerezo 1

Tanga Igitekerezo