Magufuli yavuze ko hari ibyo abazungu bigisha abanyafurika n’inka zitatinyuka

2

Perezida wa Tanzania John Pombe Magufuli yavuze ko hari imico n’imigenzo abazungu bategeka abanyafurika gukurikiza, nyamara ngo n’iyo wayitegeka inka cyangwa ihene zitayishobora.

Yabitangaje kuri uyu wa Gatanu mu ruzinduko rw’iminsi itatu yagiriraga mu gace ka Pwani hafi y’inyanja y’Abahinde.

Magufuli yavuze ko abatanzaniya batagomba gutegekwa gukora icyo babonye cyose ngo bacyemere nk’aho batazi gutekereza.

Yagize ati "Aba banyamahanga hari ibintu bazana bibi.Batuzanira ibiyobyabwenge, abana bacu birirwana ibimwira, ntibashobora guhinga, nta kazi na kamwe bashobora gukora, noneho hari n’abazana ibintu bidasanzwe."

Magufuli kandi yanenze imico y’abazungu irimo kuryamana ku bahuje ibitsina, avuga ko abanyatanzaniya badakwiye kwemera ibintu nk’ibyo.

Yakomeje agira ati "Ni ubugoryi, abanyatanzania dukwiye kwitonda kubyo batuzanira, kandi amafaranga aba ari ayacu, nyamara ugasanga twigishwa ibintu inka n’ihene ubwazo zidashobora gutinyuka gukora."

Magufuli kandi yamaganye imiryango mpuzamahanga ishaka gutegeka Leta kureka abakobwa babyaye bagasubira ku ishuri, avuga ko bidashoboka.

Yasabye iyo miryango gushinga amashuri abo bakobwa bakiga, ariko ngo ntabwo Leta ayoboye izemera kuvanga abanyeshuri babyaye n’abatarabyaye.

Yisangize Inshuti.

Ibitekerezo 2

  1. kbsa imico yabazungu minister turayirambiwe ubutinganyi vraiment magufuli ndi pour nawe.

Tanga Igitekerezo