Kwamamaza

MU MAHANGA

Magufuli yagiriwe inama yo kuganira n’abatavuga rumwe na we inzira zikigendwa

Yanditswe

kuya

na

Editor
Magufuli yagiriwe inama yo kuganira n’abatavuga rumwe na we inzira zikigendwa

Perezida Magufuli yasabwe kuganira n’abatavuga rumwe na we hakiri kare

Inzobere mu bya politiki mu gihugu cya Tanzania zatangiye gusaba Perezida Joseph Pombe Mugufuli kwicara hamwe n’abatavuga rumwe na we bakaganira mbere ya tariki ya 1 Nzeli uyu mwaka.

Kuri iyo tariki, ishyaka CHADEMA ryatangaje ko rizakorera imyigaragambyo ikaze ndetse n’inama zitandukanye mu bice byose bigize Tanzania.

Iro shyaka rivuga ko iyo myigaragambyo igamije kugaragaza ikandamizwa ry’uburenganzira bwa muntu, kutagendera ku mahame ya demokarasi ndetse no kutubahiriza amategeko.

Prof Mohamed Bakari wigisha politiki muri Kaminuza Nkuru ya Dar Es Salaam, yabwiye Ikinyamakuru Mwananchi ko igikenewe ari uko Magufuli yakwicarana n’abatavuga rumwe na we.

Yagize ati “Inama zanjye nuko impande ebyiri zitumvikana zakwicara hamwe zigakemura ibyo bibazo.Ndizera ko nta kigoranye kirimo.”

Prof George Shumbusho wigisha muri Kaminuza ya Mzumbe we yagize ati “Ndasaba Imana ngo imanukire kuri Magufuli ngo ahamagare abatavuga rumwe na we baganire, ibibazo birangire.”

Polisi yo yatangaje ko nta shyaka na rimwe riraza kwaka uburenganzira bwo kwigaragambya tariki ya 1 Nzeli, kubw’ibyo ngo ibivugwa babifata nk’ibihuha.

Umuyobozi wa Polisi mu mujyi wa Arusha Charles Mkumbo yagize ati “Niba Chadema cyangwa irindi shyaka bashaka kwigaragambya, bagombwa kubahiriza ibisabwa.Kugeza ubu nta busabe bw’imyigaragambyo turakira.Turiteguye guhangana n’umuntu wese uzarenga ku mategeko, nihagira ujya mu muhanda kuri uwo munsi tutabizi, azafatwa nk’umunyabyaha, tuzahangana nawe.”

Kuva yajya ku butegetsi umwaka ushize, Perezida Magufuli yakoze impinduka zitandukanye mu gihugu zirimo kwirukana abakozi badakora akazi kabo uko bwikiye, guhangana n’abarya ruswa n’ibindi.

IBITEKEREZO

  • sylvets loni Yanditse:

    Ndahaye Inguvu Magufure Nashimira Poris Uko Izovyitwaramwo Muguhasha Abo Bagumutsi Magufure Nawe Sindamwifusa Kwicarana Nabo Badahuza Hovamwo Iterambwoba Kunvo Zitandukanye Akabitaba Bazoba Bahejeje Kumugaya Vyikirenga Twe Twari Tuziko Afise Ubudahangagwa Bwikirenga Yoba Abaye Bugarama Wingunvu

  • sylvets loni Yanditse:

    Ndahaye Inguvu Magufure Nashimira Poris Uko Izovyitwaramwo Muguhasha Abo Bagumutsi Magufure Nawe Sindamwifusa Kwicarana Nabo Badahuza Hovamwo Iterambwoba Kunvo Zitandukanye Akabitaba Bazoba Bahejeje Kumugaya Vyikirenga Twe Twari Tuziko Afise Ubudahangagwa Bwikirenga Yoba Abaye Bugarama Wingunvu

  • cyane Yanditse:

    Lowassa ntiyicaye ubusa nyine!

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza