Lesotho:Umugore wa Minisitiri w’Intebe mushya yishwe arashwe

Tom Thabane, Minisitiri w’Intebe mushya wa Lesotho

Umugore wa Tom Thabane, Minisitiri w’Intebe mushya wa Lesotho yishwe arashwe n’umuntu utaramenyekana.

Thabane ukomoka mu ishyaka ritavuga rumwe n’ubutegetsi bwari buriho agomba kurahira kuri uyu wa Gatanu.

Lipolelo Thabane w’imyaka 58 yarashwe ubwo yaganaga iwe mu rugo mu gace ka Masana mu murwa mukuru Maseru.

Clifford Molefe, Umuvugizi wa Polisi yavuze ko bataramenya uwishe Lipolelo nkuko BBC yabitangaje.

Umugore wundi wari kumwe na Lipolelo yakomeretse ahita ajyanwa mu bitaro biri hafi aho.

Lipolelo na Thabane bari bamaze imyaka itanu batabana mu nzu. ndetse Thabane yari yaratse gatanya ariko urukiko rwari rutarayibaha.

Ishyaka rya Thabane ryabonye intebe 48 mu Nteko Ishinga Amategeko kuri 30 zabonywe n’ishyaka rya Pakalitha Mosisili mu matora yabaye mu cyumweru gishize.

Yisangize Inshuti.

Ibitekerezo

Tanga Igitekerezo