LONI yahase ibibazo Leta ya Uganda ku ifungwa rya Dr Besigye

2

Umunyamabanga mukuru w’umuryango w’Abibumbye Ban Ki-Moon, yabajije guverinoma ya Uganda impamvu igifunze Dr Kiiza Besigye umaze ukwezi afungiye muri gereza ya Luzira akurikiranyweho icyaha cyo kugambanira igihugu.

Ibi ngo Ban Ki-Moon yabibajije Minisitiri w’Intebe wa Uganda Ruhakana Rugunda mu nama bari bahuriyeho yigaga ku bibazo byagaragajwe byibasiye uburenganzira bwa muntu birimo ibyaha byo gufata abagore ku ngufu byakozwe n’ingabo z’abagande ziri muri Repubulika ya Centre Africa.

Gusa itangazo umuryango w’abibumbye wasohoye ntiwatangaje icyo Minisitiri w’intebe Ruhakana Rugunda yaba yasubije Ban Ki-Moon ku kibazo cya Dr Kiiza Besigye.

Dr Besigye Dr Besigye yatawe muri yombi ku itariki ya 11 Gicurasi 2016 nyuma yo kurahira nka Perezida w’igihugu cya Uganda, ibintu yakoze mbere umunsi umwe y’uko Perezida Museveni arahirira kuyobora igihugu cya Uganda nka Perezida wemewe.

Dr Besigye ashijwa icyaha cyo kugambanira igihugu, icyaha gihanishwa igihano cy’urupfu nkuko biteganywa n’amategeko y’iki gihugu.

Dr Besigye yasabye Leta ndetse n’inzego z’ubutabera ko yarenganurwa kuko kuri we ngo ari umwere.

Gusa Perezida Museveni yahise atangaza ko nta bubasha afite bwo kuba yarekura Dr Kiiza Besigye.

Ku wa gatatu w’iki cyumweru tariki 8 Kamena 2016 mbere y’uko Inteko ishinga amategko igezwaho umushinga w’ingengo y’imari 2016-2017, abadepite bo mu ishyaka rya Dr Besigye (FDC), bagaragaye mu mihanda yo mu murwa mukuru Kampala bafite ibyapa bisaba irekurwa rya Dr Kiiza Besigye.

Yisangize Inshuti.

Ibitekerezo 2

  1. Reka nkubaze Charles ngo gutera uturutse hanze yigihugu nukukigambanira? M7 yafadhe ubutegetsi aturutse hanze NKURUNZIZA,KABILA,KAGAME Nabandi. Ese igihugu bisobanuyiki? Umuntu umwe?

  2. Icyaha cyo kugambanira igihugu ko mbona kigenda kivugwa cyane. Nonese yagambaniye igihugu kuri nde? Jye numva niba hari ibitekerezo afite bidahuje nubutegetsi buriho bitahita bimuhindura umugambanyi. Watema igiti uhagazemo se?

    Icyakora niba aba hanze yigihugu akaba ashaka gutera igihugu cye aho yaba umugambanyi kuko ntako watera uturutse hanze ngo ubure guhitana abo waba uvuga ko urwanirira.

    Ikindi nuko abaturage bakwiye kuba maso. Kujya mumuhanda ngo murashaka impinduka ntabwo bikirisituye!!!

    Tekereza kujya mumihanda kubera umukandida watsinzwe mumatora!!!

    None se wiciwe mumyigaragambyo ubwo nawe wazashyirwa muntwari ra?

    Ubutwari bumena amaraso ya rubanda ndabusetse.

    Ubutwari burengera abandi
    Intwari irangwa nokureberera abandi.

    Besigye ntiyishuke ngo yizere rutuku. Keretse niba afite ingabo kuko bamuha imbunda!!!! Hahaha!!!!!

    Tekereza kweli!!!
    Imbunda irica, ntitoranya.. Uyicisha umwe none, ejo nawe bakayikwishisha.

    Abagande muve mumihanda ahubwo mubanze murebe ibyo M7 amaze gukora, mumufashe mumuhe ibitekerezo. Nabonye ko nisuku yabananiye none ngo murashaka gukuraho M7.

    Mwirinde mutikura amata mukanwa.
    Ni uwuhe muperezida wakwemera ko utwara ikinyabiziga udafite perimi?

    Ninde muyobozi wundi muzabona wakwemera akajagari nkako nabonye kampala?

    Ninde uzabaha kwishyira ukizana nkibyo nabonye iwanyu....
    Muzabaze abanya Libya uko bicuza...

    Izo mbunda abazungu babaha nizo mukoresha mutwica ngo murarwanirira igihugu...

    ABAZUNGU nibacecejeke
    ABANYA UGANDA MUFASHE MUSEVENI KUBAKA IBYO ATARUBAKA.

    M7 ni perezida
    Igihugu kiyoborwa numuntu umwe gusa...

    Besigye ugiye gupfa uzira kutanyurwa nuduke wabonaga..
    Sorry Africa

Tanga Igitekerezo