Koreya ya ruguru yashimagijeTrump yandagaza bikomeye uwo bahanganiye kuyobora Amerika

Igihugu cya Koreya ya ruguru yagaragaje ko ishyigikiye Donald Trump umukandida w’umu Repubulikani nk’umuntu ukwiye kuyobora Leta zunze ubumwe za Amerika.

Ikinyamakuru DPRK Today(igitangazamakuru cyihariye gifatwa nk’icy’ubutegetsi buri ku ngoma gisohoka buri kwezi) kuri uyu wa kabiri tariki 31 Gicurasi 2016 cyanditse inkuru gisingiza Donald Trump, umukandida w’umurepulikani wiyamamariza kuyobora Leta zunze ubumwe za Amerika.

Iki kinyamakuru cyasohoye ipaji itaka kandi inasingiza Trump nk’umunyepolitiki w’umuhanga ndetse nk’umuntu nyawe abanyamerika bakwiye gutora mu matora y’umukuru w’igihugu ateganyijwe tariki 8 Ugushyingo uyu mwaka.


Perezida wa Koreya ya ruguru Kim Jong Un(Ibumoso) ashyigikiye bikomeye Trump

Ibiro ntaramakuru by’abongereza Reuters dukesha iyi nkuru byatangaje ko iki kinyamakuru kandi cyanditse kinenga Hillary Clinton, umukandida w’umudemukarate uhanganye cyane na Trump aho cyamwise umuntu ufite umutwe urimo ubusa (thick-headed Hillary).

Guhangara kuvuga aya magambo asa n’ibitutsi kuri Clinton, Koreya ya ruguru yabitewe n’igitekerezo uyu mukandida yatanze cyo gushyiriraho ibihano bikaze iki gihugu ku bisasu by’ubumara cyashakaga kurasa muri Amerika.

Trump we yatangaje ko ikibazo nk’icyo kigomba gukemuka mu biganiro hagati ye na Perezida wa Koreya ya ruguru Kim Jong Un ndetse n’Ubushinwa bukabigiramo uruhare.

Yisangize Inshuti.

Ibitekerezo

Tanga Igitekerezo