Kwamamaza

MU MAHANGA

Komisiyo y’Amatora muri Congo yatangaje ko amatora ya Perezida adashobora kuba muri uyu mwaka

Yanditswe

kuya

na

Jean Paul Niyitanga
Komisiyo y’Amatora muri Congo yatangaje ko amatora ya Perezida adashobora kuba muri uyu mwaka

Corneille Nangaa uyobora Komisiyo y’Amatora muri RDC.

Komisiyo y’Amatora muri Repuburika Iharanira Demukarasi ya Kongo (RDC) yatangaje ko Amatora ya Perezida adashobora kuba uyu mwaka utararangira.

Ibi byatangajwe kuri uyu wa 07 Nyakanga, na Perezida wa Komisiyo y’Amatora muri iki gihugu, Corneille Nangaa. Yabitangarije mu Bufaransa mu nama yigaga ku migendekere y’Amatora muri RDC yateguwe n’Umuryango Mpuzamahanga w’Ibihugu bivuga Igifaransa (OIF).

Nangaa yagize ati: "Mbere y’Ukuboza ntibyashoboka nubwo amasezerano yasinywe na Guverinoma kuwa 31 Ukuboza 2016 ariko abiteganya."

Amasezerano yasinywe umwaka ushize hagati ya Guverinoma n’abatavuga rumwe na yo yateganyaga ko ukwezi kw’Ukuboza 2017 ari cyo gihe ntarengwa amatora ya Perezida wa RDC agomba kuberaho.

Nkuko Radio Okapi yabyanditse, Nangaa avuga ko umutekano muke urimo kugaragara mu Ntara zitandukanye nka Kasai utemerera abantu gukora amatora neza muri iki gihe nubwo ngo gahunda yo kubarura abazatora imaze kugera ku kigero cya 78%

Yavuze ko Komisiyo irimo gukora ibishoboka byose ariko ngo baziga uburyo itariki ntarengwa yimurwa.

Ati: " Turi gukora ibyo dushoboye byose mu gutegura aya matora azitabirwa n’abanye-Congo bose, ubu ni ngombwa gukora isuzuma ryimbitse kugirango dushyireho indi tariki ntarengwa."

Muri iki gihugu hamaze igihe hari ibibazo by’umutekano muke waturutse ku kuba Perezida Joseph Kabila yaranze kuva ku butegetsi mu gihe manda ye ya nyuma yemererwa n’itegeko nshinga yarangiye kuwa 20 Ukuboza 2016.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza