Koffi Olomide yamaze kwirukanwa ku butaka bwa Kenya

1

Umuhanzi ukunzwe cyane mu gihugu cya Congo kubera injyana aririmba ya Lumba amaze kwirukanwa muri iki gihugu nyuma yo gutabwa muri yombi azira guhohotera umubyinnyi we.

Amakuru dukesha Ministere ifite uburinganire mu nshingano zayo mu itangazo ryashyizwe hanze n’umunyabanga wayo Sicily Kariuki aravuga ko umuhanzi Antoine Christophe Agbepa Mumba ariwe Koffi Olomide yamaze kwirukanwa ku butaka bw’igihugu cya Kenya ndetse na visa ye ikaba yahise iteshwa agaciro .

Iyi visa y’uyu muhanzi imaze guteshwa agaciro hashingiwe ku itegeko 35(4) ryo muri Kenya kubera igikorwa cyo gukubita umubyinnyi we gihabanye n’amategeko yo muri iki gihugu bityo iki gihugu kikaba kitashobora kwihanganira buri wese uhonyora uburenganzira bw’abagore.

Iri tangazo kandi rivuga ko igihano gihawe Koffi Olomide kizamubera isomo kimwe n’abandi bameze nkawe kuko buri wese uzajya ugaragarwaho ibikorwa by’ihohotera azajya ahanwa hakurikijwe itegeko hatitawe kucyo ari cyo ndetse n’uko afatwa muri sosiyete.

Iyi minisiteri kandi yashimiye amanyakenya bose bagize uruhare mu kugaragaza ko batishimiye akarengane uyu mubyinnyi wa Koffi Olomide yagiriwe babinyujije ku mbuga nkoranya mbaga kandi ibasaba gukomeza kuba abafatanyabikorwa beza.

Itangazo ryashizwe hanze ryambura Koffi Olomide uburenganzira bwo kuguma mu gihugu cya Kenya
Umuhanzi Koffi Olomide wirukanwe ku butaka bw’igihugu cya Kenya mu maguru mashya yahageze kuwa gatanu sakumi n’ebyiri aho yaragiye mu gitaramo cyagombaga kubera mu gihugu cya Kenya akaba yaraherekejwe n’ikipe y’abantu 6, ubwo uyu muhanzi yageraga ku kibuga cy’indege cya JKIA nyuma yaje gukubita umugeri umwe mu babyinnyi be amuziza kuba yanze kumva inama za Cindy umwe mu bayobozi ba Band imuririmbira unafatwa nk’incoreke ye. Ibi bikaba bitishimiwe n’abaturage ba Kenya inzego z’umutekano ndetse n’ubuyobozi bwahisemo kumwambura uburenganzira bwo kuguma kubarizwa muri iki gihugu .

Yisangize Inshuti.

Ibitekerezo 1

  1. Erega uyu mugabo agira amahane. Ubu ni ubugira kabiri akoze ibi. Ubwambere ho baramufunze. Bajye bamuhana wenda azabicikaho.

Tanga Igitekerezo