Koffi Annan n’ abahoze bayobora muri Afurika batabarije Congo Kinshasa iri kugana mu manga

2

Abagabo icyenda bahoze bayobora ibihugu bya Afurika ndetse na Koffi Annan wahoze ayobora Umuryango w’Abibumbye banditse ibaruwa isaba ko Muri Repubulika Iharanira Demokarasi ya Congo hakorwa amatora bitarenze uyu mwaka, ngo kuko aho icyo gihugu kigana ari habi.

Manda ya Perezida Joseph Kabila uyobora Congo yarangiranye n’umwaka ushize wa 2016.Icyo gihe amatora yo kumusimbura ntiyabaye kuko Komisiyo y’amatora yavuze ko nta bushobozi buhari bwo kuyategura.

Habaye ibiganiro hagati ya Leta n’abatavuga rumwe nayo ku buhuza bw’abasenyeri gatolika, hemezwa ko amatora agomba gukorwa uyu mwaka ariko nabwo icyizere ni gike kuko nta myiteguro.

Kofi ANNAN, wahoze ayobora Loni, Thomas BONI YAYI, wahoze ayobora Benin, John KUFUOR, wahoze ayobora Ghana, John MAHAMA, wahoze ayobora Ghana , Thabo MBEKI, wahoze ayobora Afurika y’Epfo , Benjamin MKAPA, wahoze ayobora Tanzanie, Festus MOGAE, wahoze ayobora Botswana, Olusegun OBASANJO, wahoze ayobora Nigéria, Pedro PIRES, wahoze ayobora Cap Vert na Cassam UTEEM wahoze ayobora ibirwa bya Maurice basabye ko uyu mwaka usiga habaye amatora.

Aba bahoze ari abakuru b’ibihugu bavuze ko amasezerano yavuye mu biganiro yatangaga icyizere ariko ngo aho bigeze kiri kuyoyoka nkuko Radiokapi yatangaje.

Basaba ko Guverinoma ya Congo n’Umuryango mpuzamahanga bikwiye gutanga ibyangombwa byose nkenerwa ngo amatora abe muri uyu mwaka hirindwa ibibazo bishobora kuvuka bigateza umutekano muke mu Karere k’Ibiyaga bigari no muri Afurika.

Bavuze ko biramutse bidakozwe ahazaza ha Congo haba hari mu byago.

Yisangize Inshuti.

Ibitekerezo 2

  1. Aba bagabo barebye kure kuko hari bamwe mu banyekongo batabibona ariko RDC Sud na RDC nord birihafi kujyaho kandi bizajyaho amaraso menshi amenetse muri aka karare.

Tanga Igitekerezo