Kenya:Ubukwe bukorwa ninjoro bwahagaritswe

Ubukwe n’ibindi birori bijyanye na bwo byose byakorwaga ninjoro mu gace ka Mombasa muri Kenya byahagaritswe ku mpamvu z’umutekano.

Ubuyobozi bwavuze ko impamvu bwahagaritse ibyo birori nk’ibyo ngo ni uko byari bimaze kongera ubugizi bwa nabi.

Ibi bije nyuma y’iminsi mike itsinda ry’abagore ryari rivuye mu bukwe ninjoro risagariwe n’agatsiko k’amabandi, kakabambura ibyo bari bafite byose.

Ubusanzwe, ubukwe muri Kenya bukunze kumara iminsi itanu bukorwa ku manywa na nijoro.

BBC dukesha iyi nkuru yatangaje ko hatanzwe itegeko ko ubukwe butagomba kurenza saa yine z’ijoro. Ushaka kurenza ayo masaha ngo azajya abisabira uruhushya kuri polisi, anishyure amafaranga y’abaza kumucungira umutekano.

Hashize iminsi polisi ikora ibikorwa byo guhiga abakekwaho kuba mu dutsiko tw’amabandi, ndetse bamwe bagiye baraswa.

Imiryango itegamiye kuri Leta yamaganye icyo cyemezo, ivuga ko kibangamiye abaturage kandi kitajyanye n’igihe.

Yisangize Inshuti.

Ibitekerezo

Tanga Igitekerezo