Kenya:Batatu bakatiwe urwo gupfa bazira kwambika ubusa umugore

Urukiko mu mujyi wa Nairobi rwakatiye abagbo batatu urwo gupfa bazira kwambika umugore ubusa mu modoka.

Hashize imyaka itatu abo bagabo bagaragaye mu mashusho yashyizwe ko mbuga nkoranyambaga, aho bambitse umugore ubusa bakamwifotorezaho banamukwena.

Nicholas Mwangi wari umushoferi, Meshack Mwangi wari umukomvwayeri na Edward Ndung’u bahamijwe icyaha cy’ubujura n’ihohotera.

Aba bagabo kandi bahawe igihano cy’imyaka 25 y’igifungo kubera kwambika umugore ubusa, icyakora umucamanza yaje kukivanaho kuko bakatiwe urwo gupfa.

BBC yatangaje ko mu buhamya bw’uwo mugore wambitswe ubusa, yavuze ko yasatiriwe n’abagabo bagera kuri barindwi bashaka kumusambanya akabakizwa nuko yababeshye ko yanduye SIDA.

Amashusho yakwirakwijwe ku mbuga nkoranyambaga amara amasegonda 59 ariko igikorwa cyo kumukoza isoni ngo cyamaze igihe kinini.

Icyo gihe imyigaragarambyo yakwirakwiye mu mujyi wa Nairobi abagore bamagana iryo hohoterwa, banamagana abavugaga ko wo mugore yasatiriwe kubera kwambara impenure.

Yisangize Inshuti.

Ibitekerezo

Tanga Igitekerezo