Kenya:Abakomiseri ba komisiyo y’amatora beguriye rimwe

Abakomiseri icumi ba Komisiyo y’amatora mu gihugu cya Kenya beguriye icyarimwe nyuma y’imyigaragambyo yatangiye muri Mata uyu mwaka, hasabwa ko abayobora iyo komisiyo begura kuko batizeweho ubunyangamugabyo mu matora azaba umwaka utaha.

Abakomiseri beguye nyuma y’imyigaragambyo yari imaze iminsi mu gihugu

Imyigaragambyo yabaye mu minsi ishize yahitanye abantu bane.Bamwe bari batangiye kuvuga ko amatora y’umwaka utaha ashobora kuzakurikirwa n’imvururu nk’izabaye mu mwaka wa 2007 zigahitana abantu 1200.

Joseph Kinyua,Umuvugizi wa Perezida Uhuru Kenyatta yatangaje ko ubwegure bw’abo bakomiseri bwakiriwe kuri uyu wa Gatatu.

Ni nyuma y’ibiganiro by’amashyaka atandukanye muri icyo gihugu, byarebaga ku cyakorwa ngo hatazagira imvururu zongera kuba.

Ihuriro ry’amashyaka atavuga rumwe muri Kenya niryo ryatangije imyigaragambyo rivuga ko abagize Komiyo y’amatora babogamye kubw’ibyo batizeweho kuyobora amatora neza.

Mu minsi ishize abagize komisiyo y’amatora bo bari bavuze ko nta kibazo bafite kandi ko batazegura.

Yisangize Inshuti.

Ibitekerezo

Tanga Igitekerezo