Kwamamaza

MU MAHANGA

Iraq: Umuminisitiri yeguye nyuma y’igitero cyahitanye abarenga 150

Yanditswe

kuya

na

Editor1
Iraq: Umuminisitiri yeguye nyuma y’igitero cyahitanye abarenga 150

Minisitiri Ghabban yeguye nyuma y’igitero cyahitanye abantu 175 I Baghdad

Minisitiri w’umutekano mu gihugu wa Iraq Mohammed Ghabban yatangaje ko yamaze kwegura ku mirimo ye nyuma y’iminsi ibiri mu gihugu cye hagabwe igitero cyahitanye abantu bagera ku 175 mu gace ka Karrada gaherereye mu murwa mukuru Baghdad.

Ijwi rya Amerika ritangaza ko kuri uyu wa kabiri Mohammed Ghabban atatangaje icyatumye yegura uretse guhita asigira inshingano ze uwari umwungirije mu gihe agitegereje ko ubwegure bwe bwemezwa na Minisitiri w’intebe Haider al-Abadi.

Amakuru aturuka muri iki gihugu aravuga ko n’ubwo bimaze gutangazwa ko abantu 175 ari bo bamaze kumenyekana ko bahitanywe n’iki gitero, ngo abagize itsinda ry’abatabazi baracyakomeje akazi kabo ko gushakisha ahatewe ibisasu kugira ngo barebe ko haba hari n’abandi basigaye bataraboneka.

Abarwanyi b’umutwe wiyitiriye Leta ya kiyisilamu (Islamic state) ni bo bigambye iki gitero bavuga ko bakigabye bagamije kwica abayoboke b’idini ya Islam bo mu bwo bw’Abashihite budacana uwaka n’abo mu bwoko bw’Abasuni.

Iki gitero ni cyo cya mbere gifatwa nk’igikomeye kibaye muri iki gihugu kuva intambara hagati ya Iraq na Leta zunze ubumwe za Amerika yarangira mu mwaka wa 2011.

Iki gitero cyagabwe ku isoko aho abantu benshi bari bari guhahira ibyo kurya mu gihe bari mu gisibo cy’ukwezi gutagatifu, Ramadhan.

Iki gihugu cyasabwe gukaza umutekano w’abaturage bacyo ndetse barushaho guhangana n’abarwanyi ba Islamic state ikomeje kwambura ubuzima abatari bake muri Iraq.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza