Iraq: Abarenga 80 baguye mu gitero cyagabwe I Baghdad

Abantu babarirwa muri 82 bapfuye, abandi 200 barakomereka nyuma y’ibisasu byatewe mu murwa mukuru I Baghdad muri Iraq mu ijoro ryakeye.

Polisi ikorera muri uyu mujyi yatangaje ko abantu hafi ya bose bagizweho ingaruka n’iki gitero ngo bari bari kugura ibyo kurya mu gihe cy’ukwezi gutagatifu Ramadhan.

Amakuru aturuka muri iki gihugu avuga ko ikimodoka cyarimo ibisasu cyaturikiye I Karrada cyica abarenga 80, naho abarenga 200 barakomereka.

Abarwanyi b’umutwe witiriwe Leta ya Kisilamu Islamic State, bamaganiye kure iby’iki gitero cyagabwe mu murwa mukuru I Baghdad, bavuga ko nta ruhare bagifitemo.

Mu mashusho yashyizwe ku mbuga nkoranyambaga na agaragaza umuriro mwinshi wakaga muri uwo mujyi ndetse n’inzu zangiritse cyane muri aka gace nyuma yo guturika kw’iki gisasu.

Mu gihe kimwe kandi ikindi gisasu cyaturikiye mu isoko mu gace Al Shaab agace kabamo cyane abashihite, gaherereye mu majyaruguru y’ umurwa mukuru aho abantu babiri bahasize ubuzima nkuko Igipolisi cyabitangaje.

Donat Niyitanga

Makuruki.rw

Yisangize Inshuti.

Ibitekerezo

Tanga Igitekerezo