Ingaruka mbi zo kwambara inkweto nta masogizi

Impuguke mu buvuzi yagaragaje ingaruka mbi zo kwambara inkweto nta masogisi bisigaye biharawe muri iki gihe.

Kaminuza yigisha kuvura amaguru mu Bwongereza ivuga ko indwara zandura zivuye mu kwiyongera kw’abantu baharaye kwambara inkweto nta masogizi mu rubyiruko zikomeza kwiyongera.

Umuhanga Emma Stephenson avuga ko yakiriye abagabo bafite imyaka iri hagati ya 18-25 bafite ingorane ku maguru ziterwa no kutambara amasogizi mu nkweto zitabakwira neza.

Kutambara amasogizi ubu nibyo biharawe ikinyamakuru BBC kivuga ko na bamwe mu bikomerezwa bakunda kwambara inkweto nta masogisi umwe mu babikora ngo ni umuririmbyi Sam Simith

Mu bikorwa byo kwerekana imideli nabyo ngo abantu benshi bambara inkweto nta masogisi bambayemo.

Umuririmbyi Tinie Tempah ni umwe mu banyamideli batsindiye ibihembo byinshi kubera uyu mwuga ariko nawe agaragara atambaye amasogisi.

Emma Stephen avuga ati "Mu busanzwe amaguru y’umuntu avamwo ilitiro 0.28 z’icuya buri munsi,"

Avuga ko ibi bituma habaho indwara ya Athlete’s foot ati :”ubukanye n’intugutu bishobora gutuma haba kwandura indwara zituma uruhu rwangirika izwi mu cyongeraza nka Ahlete’s foot.”

Emma yavuze ko ibi ari bibi cyane atanga urugero rw’umusore umwe yabonye byabayeho. Ati :” bimwe mu bintu nigeze kubona ni umuhungu w’imyaka 19 ukora akazi ko koza imodoka. Amaguru ye yavagamo intugutu nyinshi cyane kandi yavagamo irangi ry’umukara.”

Emma atanga inama ko umuntu atarenza urugero mu kwambara inkweto zitagira amasogisi akagerageza ntiyambare inkweto zitagira amasogizi igihe kirekire

Avuga kandi ko ari ukugerageza kandi ikintu gikamura intugutu mu nkweto mbere yo kuyambara udashyizemo amasogizi.

Ikindi kandi agira inama abantu guhora bareba ko ibirenge byabo bibara babyumva bakajya kwisuzumisha kwa muganga.

Yisangize Inshuti.

Ibitekerezo

Tanga Igitekerezo