Bizihije isabukuru bamaze bavutse nk’impanga zikuze ku isi ariko nta n’umwe ufite umwana

4

Abavandimwe babiri b’impanga bakomoka mu Bubirigi bizihije imyaka 103 y’ubukure nta numwe muri bo washatse umugore.

Abagabo babiri bakuze ku isi ari impanga Pieter na Paulus Langerock, bakomoka mu gihugu cy’Ububirigi bujuje imyaka 103 kuri uyu wa gatanu. Mu kwishimira iyi sabukuru y’imyaka isumba ikinyejana, bazamuye ikirahuri cy’umuvinyo bati “ku buzima bwacu”.

Aba bavandimwe nta numwe wigeze ashaka umugore ahubwo babaye ahantu hamwe hafi ubuzima bwabo bwose.

Muri iyi minsi bwo barabana mu cyumba kimwe aho bavukiye mu mujyi wa Ghent.

Iyo bicujije rimwe na rimwe ko nta mwana cyangwa umwuzukuru bafite, bibuka ko bo ubwabo ari inshuti z’akadasohoka bakishimira igihe bamaze bavutse, bagakomanya ibirahuri by’umuvinyo utukura w’abafaransa ubuzima bugakomeza.

The Guardian dukesha iyi nkuru ivuga ko bose bakoze akazi kamwe. Bombi babaye abacamanza mu kinyejana cya 20 kandi bakunze kwivugira ururimi rw’Igifaransa ndetse banahindura amazina yabo muri uru rurimi bitwa Pierre na Paul.

Aba bakambwe barabura imyaka ibiri gusa ngo bace agahigo k’impanga zikuze ku isi yose, nyuma y’abandi b’abanyamerika Glen na Dale Moyer bagejeje ku myaka 105.

Yisangize Inshuti.

Ibitekerezo 4

Tanga Igitekerezo