Kwamamaza

MU MAHANGA

Perezida Kabila akomeje kwangira abayobozi bifuza kwinjira muri Kongo mbere y’amatora

Yanditswe

kuya

na

Makuruki
Perezida Kabila akomeje kwangira abayobozi bifuza  kwinjira muri Kongo mbere y’amatora

Mu gihe habura amezi atandatu ngo amatora ya perezida abe, Repubulika iharanira demokarasi ya Kongo yasubitse urugendo rw’umunyamabanga mukuru w’umuryango w’abibumbye n’umukuru w’akanama k’umuryango w’ubumwe bw’Afurika bateganyaga kugirira muri iki gihugu.

Uruzinduko rwa Antonio Guterres, umunyamabanga mukuru wa ONU, na mugenzi we Moussa Faki Mahamat ukuriye akanama k’umuryango w’ubumwe bwa Afurika, rwaburijwemo muri iki cyumweru.

Leta ya Kongo yavuze ko uru rugendo rutaziye igihe ariko yongeraho ko bazahabwa ikaze mu gihe kinogeye.

Si uru rugendo rw’aba bayobozi rwasubitswe gusa kuko hiyongeraho n’urwa Nikki Haley uhagarariye Amerika muri ONU rwarakererejwe.

Ababikurikiranira hafi baravuga ko Perezida Joseph Kabila ari umuntu ukunda gukora ibikorwa bye mu ibanga, kandi akaba adakunda inama zo mu ruhame.

Benshi mu murwa mukuru Kinshasa bo babona iri tinza ry’inama nk’ikimenyetso cy’urujijo ku matora ateganyijwe. Ariko ONU yamaganiye kure impungenge zuko amatora ashobora gusubikwa muri iki gihugu.

Ibihugu byo mu mahanga ya kure n’ibyo mu karere biri kotsa igitutu Kongo kugira ngo amatora ya perezida ateganyijwe ku itariki ya 23 y’ukwezi kwa 12 uyu mwaka, azabe mu mucyo kandi akorwe mu bwisanzure.

Aya matora azaba hashize imyaka ibiri manda ya Perezida Kabila irangiye ariko we yakomeje kugaragaza gutsimbarara ku butegetsi.

Mu gihe byitezwe ko ataziyamamaza, Bwana Kabila ntabwo arigera avuga ku mugaragaro ko ataziyamamariza indi manda nk’uko bbc ibitangaza.

Abashaka kwiyamamariza kuba perezida bazashyikiriza ibyangombwa byabo akanama gategura amatora bitarenze itariki ya 8 Kanama 8.

Abategetsi bakomejee bavuga ko amatora azaba nta gisibya kandi ko Perezida Kabila azubahiriza ibiteganywa n’itegeko-nshinga rya Kongo.

Mu muhango wabereye i Kinshasa mu minsi ya vuba ishize, uhagarariye Amerika muri Kongo yabwiye imbaga y’abamukurikiye ko Perezida Kabila ashobora kuba intwari mu mateka ya Kongo, ibintu yakora mu myitwarire, mu kwezi kwa 12 k’uyu mwaka ubwo bwa mbere muri iki gihugu hazaba habaye guhinduranya ubutegetsi binyuze mu mahoro, mu mucyo hanubahirijwe amahame ya demokarasi.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza