Kwamamaza

MU MAHANGA

Igisirikare cya Sudani cyabujije ingabo z’umuryango w’abibumbye kugera ahabera imirwano

Yanditswe

kuya

na

Bikorimana Alexis
Igisirikare cya Sudani cyabujije ingabo z’umuryango w’abibumbye kugera ahabera imirwano

Ingabo za Sudani zabujije ingabo z’Umuryango w’Abiumbye kwinjira mu misozi ya Jebel Marra iri kuberamo imirwano ikomeje guhitana ubuzima bw’abaturage.

Abaturage amagana n’amagana bamaze kuva mu byabo kubera imirwano iri kubera mu misozi ya Jebel Marra ihanganishije ingabo za Leta n’umutwe w’inyeshyamba wa Sudan Liberation Army uyobowe na Abdul Wahid.

Ingabo za leta zahagaritse ingabo z’Umuryango w’Abibumbye zashakaga kujya gusuzuma agace ka Jebel Marra kari kuberamo imirwano, ibi kandi bije nyuma y’indi mirwano n’amakimbirane byagaragaye muri Werurwe uyu mwaka mu gace ka Blue Nile no mu Majyepfo ya leta ya Kordofan

Uhagarariye ingabo z’umuryango w’abibumbye (UNAMID) muri Darfur, Jeremiah Mamabolo yavuze ko ubwicanyi buri kubera muri iki gihugu hagati y’ingabo za leta n’umutwe w’inyeshyamba bigomba guhagarara kuko bikomeje gushyira abaturage mu kaga.

Mu ntangiro za kamena uyu mwaka nibwo umuyobozi w’ingabo z’Umuryango w’Abibumbye, Jean-Pierre Lacroix yari yatangaje ko ingabo ziri mu butumwa bw’amahoro muri iki gihugu zigomba kugabanywa zikava ku bihumbi 8.735 bakagera ku 4.050 mu 2019, mu gihe abapolisi bagomba kuva kuri 2.500 bakagera ku 1870.

Intambara z’urudaca muri Sudani zatangiye mu 2003, ubwo inyeshyamba zashinjaga Leta yari iriho kutubahiriza amategeko no kwikubira ubutegetsi.

Mu 2007, umuryango w’Abibumbye wohereje ingabo ibihumbi 16 muri Sudani kubungabunga no kugarura amahoro muri iki gihugu.

Umuryango w’Abibumbye uvuga ko imirwano yo muri Sudani yaguyemo abaturage bagera ku bihumbi 300, mu gihe abarenga miliyoni 2,5 bakuwe mu byabo .

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza