Ibihumbi by’abanya Brésil mu myigaragambyo yo kwamagana Perezida mushya (VIDEWO)

1

Ibihumbi n’ibihumbi by’abaturage ba Brésil bari mu myigaragambyo yo kwamagana Perezida mushya w’iki gihugu Michel Temer washyizweho n’inteko ya Sena muri iki gihugu mu cyumweru gishize.

Perezida Michel Temer yashyizweho nyuma yuko inteko rusange ya sena yari imaze kweguza Dilma Rousseff wari Perezida bamushinja gukoresha umutungo w’igihugu mu nyungu ze bigateza ubukene n’ubushomeri mu gihugu.

Aljazeera yashyize ahagaragara amashusho y’abaturage bashyigikiye Dilma Rousseff wegujwe bigaragambiriza mu mujyi wa Sao Paulo bamagana uyu muyobozi mushya.

Aba baturage baravuga ko Rousseff ari we wari ushoboye kuyobora iki gihugu ndetse bakavuga ko batazemera kuyoborwa na Perezida badashaka kandi uwo bifuza agihari.

Aba baturage barigaragambya mu gihe Perezida mushya Temer yitabiriye inama ihuza ibihugu 20 by’ibiuhangange ku Isi (G20) irimo kubera mu Bushinwa.

Reba videwo y’abigaraganbya unyuze hano: https://www.youtube.com/watch?v=zk-llkSEJpg

Yisangize Inshuti.

Ibitekerezo 1

Tanga Igitekerezo