Hiraly Clinton yavuze ko yatsinzwe amatora biturutse ku muyobozi wa FBI

4

Umudemukarate Hillary Clinton watsinzwe n’umu Repubulikani Donald Trump mu matora ya Perezida wa Leta zunze ubumwe za Amerika arashinja umuyobozi wa FBI kuba ari we watumye atsindwa aya matora.

Clinton aravuga ko yatsinzwe aya matora bitewe no kuba umuyobozi w’ibiro by’ubutasi bya Amerika (FBI) James Comey yaratangaje ko hagiye gukorwa irindi perereza ku makosa Clinton yakoze ubwo yari umunyamabanga wa Leta zunze ubumwe za Amerika kandi nyamara iryo perereza ryari ryararangiye cyera rimugize umwere.

Clinton yabwiye abaterankunga bakuru b’ishyaka rye ko iri tangazo rya FBI ryabangamiye ibikorwa bye byo kwiyamamaza cyane cyane ko ryatangajwe mbere gato y’itariki y’amatora nyirizina.

Ku itariki 28 Ukwakira 2016, ni bwo Comey uyobora FBI yatangaje ko hari andi makuru mashya yamenyekanye ku mikorere mibi yaranze Clinton ubwo yari umunyamabanga wa Leta maze avuga ko agiye kubura iperereza nubwo ryari ryarashojwe muri Nyakanga ndetse icyo gihe Clinton agahanagurwaho icyaha.

Ku itariki 6 Ukwakira uyu mwaka (habura iminsi ibiri gusa ngo umunsi w’amatora ugere) ni bwo umuyobozi wa FBI Comey yatangaje ko iperereza rya kabiri rihagaze, avuga ko agishyigikiye icyemezo cya mbere cy’uko Clinton atagomba gukurikiranwaho ibyaha byo gukoresha nabi Email mu kazi yari ashinzwe nk’umunyamabanga wa Leta.

Ibi Donald Trump yahise abitera utwatsi ndetse ahita atangaza ko afite ubwoba ko amatora ashobora kubamo uburiganya kuko ngo ntiyumvaga uburyo FBI yatangaza ko igiye gukora iperereza ngo nirangiza ibihagarike igitaraganya.

Clintona mu magambo ye yagize ati: "hari impamvu nyinshi zatuma umuntu adashobora gutsinda amatora nk’ayangaya, ariko mu busesenguzi bwacu ni uko ibaruwa ya Comey itari inafite ibimenyetso ishingiraho yahagaritse ingufu twari dufite igatuma abantu bagira impungenge bigatuma dukonkoboka"

Clinton avuga ko nubwo nyuma Comey yatangaje ko Clinton ari umwere, ngo nubundi nta cyo byahinduye ahubwo ngo byongereye imbaraga abashyigikiye Trump bavuga ko amatora abogamiye kuri Clinton.

Hiraly Clinton yabaye umunyamabanga wa Leta zunze ubumwe za Amerika kuri Manda ya mbere ya Barack Obama kuva muri 2009 kugeza muri 2013, ariko amakosa yagiye ashinjwa ko yakoze icyo gihe yakomeje kumukurikirana na magingo aya ndetse aranahamya ko ingaruka zayo ari zo zatumye atsindwa amatora.

Yisangize Inshuti.

Ibitekerezo 4

  1. Hiraly Clinton jew nabona ko bobarukumurenganya kuko ivyobintu yobariko yagirizwa amakosa yakoze boza kubizana ubu yariko aritoza??kuva 2009

  2. Hiraly Clinton jew nabona ko bobarukumurenganya kuko ivyobintu yobariko yagirizwa amakosa yakoze boza kubizana ubu yariko aritoza??kuva 2009

Tanga Igitekerezo