Felix Tsisekedi yasabye abatavuga rumwe na Kabila kwiyegeranya bakamukura ku butegetsi bitarenze 2017

1

Felix Tshisekedi, umuhungu wa Nyakwigendera Etienne Tsisekedi arahamagarira abatavuga rumwe na Leta bose kunga ubumwe bagahangana no gukura Joseph Kabila ku butegetsi bitarenze tariki 31 Ukuboza uyu mwaka.

Felix Tshisekedi avuga ko gukora ibyo ahamagarira aba batavuga rumwe n’ubutegetsi ari ukubohora igihugu mu ngoyi y’igitugu cya Kabila ubundi kikayoborwa na demukarasi.

Uyu muhunga wa Nyakwigendera Etienne Tsisekedi wapfuye atavuga rumwe n’ubutegetsi, avuga ko igihugu cya Congo kiri mu bihe bikomeye by’umutekano utifashe neza, ruswa, ubwicanyi,iyicarubozo, n’ibindi bintu bibi bikorwa bitemewe n’amategeko bitewe n’ubuyobozi bubi bwa Kabila.

Felix avuga ko abanya-Congo bihanganiye Kabila bihagije akavuga ko igihe kigeze ngo kwihangana bigire iherezo.

Manda ya Kabila yagombaga kuba yararangiye mu mpera za 2016, gusa Komisiyo y’amatora muri iki gihugu yatangaje ko nta bushobozi igihugu gifite bwo gutegura amatora.

Nyuma y’iminsi mike, Kabila yasinyanye amasezerano n’abatavuga rumwe na Leta ko amatora agomba kuba bitarenze kuwa 31 Ukuboza 2017.

Yisangize Inshuti.

Ibitekerezo 1

Tanga Igitekerezo