Emmanuel MACRON Perezida mushya w’Ubufaransa

2

Mu cyiciro cya kabiri cy’amatora y’umukuru w’igihugu cy’Ubufaransa cyabaye kuri iki cyumweru Emmanuel Macron ni we wegukanye intsinzi ku majwi 65,8%, atsinze Marine Le Pen wagize 34,2%.

Emmanuel Macron ufite imyaka 39 ni uwo mu ishyaka En Marche akaba n’ubundi ari we wari waje ku isonga mu cyiciro cya mbere mu bakandida 11 bahataniraga gusimbura Francois Hollande.

Emmanuel Jean-Michel Frédéric Macron w’imyaka 39, yavutse tariki ya 21 Ukuboza 1977.Ni inzobere mu bijyanye n’imitekerereze (philosophy), akaba n’inzobere muri bumenyi bwa politiki (Sciences Politique.)

Ni n’umuhanga mu bijyanye nn’ubukungu dore ko yakoze mu bigo bitandukanye, ndetse akaba yanabaye umushoramari mu umushoramari muri banki yitwa Rothschild & Cie Banque.

Afite impamyabumenyi y’iyiciro cya gatatu mu bumenyi bwa politiki yakuye muri Kaminuza ya École nationale d’administration (ENA yabonye muri 2004.Yize kandi Philosophy muri Paris Nanterre University.

Macron yabaye Minisitiri w’ubukungu muri guverinoma ya Francois Hollande, yegura muri Kanama umwaka ushize ahita anatangaza ko aziyamamariza umwanya wa Perezida.

Umugore we ni Brigitte Trogneux w’imyaka 64, bashyingiranywe muri 2007. Uyu Brigitte yanabaye umwarimu wa Macron.Nta mwana n’umwe bafitanye, icyakora Brigitte we afite abana batatu yabyaranye n’umugabo we wa mbere.

Yisangize Inshuti.

Ibitekerezo 2

  1. uzaba ureba akuyu mukecuru???? ariko mwagiye murreka ibigambo. mukareba uko mwatera imbere??? ntanubwo uhize ishyari ryiza ryuko umwana muto agiye kuyobora igihugu kigihangage nka kiriya Ku myaka 39 gusa, bitume nawe wibaza ago ugeze ahubwo uri mubipfuye gusa. injiji gusaaa

Tanga Igitekerezo